STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Ħidma lejn iktar tisħiħ tal-familja
Waqt konferenza tal-aħbarijiet, fl-istess ġurnata illi tfakkar il-Jum Internazzjonali tal-Familji, il-Ministru għall-Politika Soċjali u d-Drittijiet tat-Tfal Michael Falzon nieda għall-konsultazzjoni pubblika l-Pjan Soċjali għall-Familji.
Dan il-pjan propost involva riċerka u konsultazzjonijiet sabiex jifhem il-kuntest attwali, l-isfidi futuri u realtajiet diversi li ser ikunu qed jiffaċċjaw il-familji madwar Malta u Għawdex. Dan il-pjan għandu l-għan li jippreżenta direzzjoni għal soċjetà inklużiva fejn il-familji jistgħu jirnexxu.
Kompla jiġi spjegat li l-Pjan Soċjali għall-Familji tfassal fuq tliet prinċipji li huma l-Benesseri Soċjali, id-Diversità u r-Reżiljenza. “Huwa permezz ta' dawn il-prinċipji li se nwittu t-triq għal futur isbaħ u aktar inklużiv għall-familji kollha madwar il-gżejjer tagħna," qal il-Ministru Falzon.
Il-pjan jiffoka wkoll fuq erba' prijoritajiet ewlenin li huma: il-ġustizzja soċjali għall-familji; relazzjonijiet familjari b'saħħithom; l-għoti tas-setgħa lill-familji b'ħiliet u għarfien essenzjali; u l-indirizzar tar-rata baxxa ta' fertilità.
“Konvint li flimkien nistgħu nkomplu nirfinaw dan il-Pjan Soċjali għall-Familji biex tassew jagħmel differenza li tinħass fit-tul u żżid il-valur fil-ħajja tal-familji madwar Malta. Għalhekk nappella lill-partijiet interessati u lill-individwi kollha biex jipparteċipaw b'mod attiv f'dan il-proċess ta' konsultazzjoni pubblika," temm jgħid il-Ministru Michael Falzon.
Min-naħa tiegħu, is-Segretarju Permanenti Mark Musu fakkar illi din l-konsultazzjoni hija wkoll miftuħa għall-iċken membri tas-soċjetà permezz tal-Empowering Children App, sabiex anke t-tfal jaqsmu l-opinjonijiet u l-ħsibijiet tagħhom. Dan sabiex jitħejja pjan Soċjali u ħolistiku li jirrifletti biċ-ċar il-bżonnijiet u l-aspirazzjonijiet differenti tal-komunitajiet tagħna.
Stqarrijiet Oħra:
PR261929
PRESS RELEASE BY THE NATIONAL AUDIT OFFICE National Audit Office Malta hos...
PR261926