STQARRIJA MILL-MINISTERU GĦAS-SAĦĦA U L-ANZJANITÀ ATTIVA
Il-Ministru għas-Saħħa u l-Anzjanità Attiva Jo Etienne Abela ġie infurmat li fit-13 ta' Mejju 2024, iċ-Ċentru Nazzjonali tal-Iscreening ġie mgħarraf li numru ta' klijenti kienu rċevew bi żball dejta dwar klijenti oħra. Dakinhar stess, il-Primary HealthCare għamlet investigazzjoni u rriżulta li l-aġenzija li kienet ġiet ikkummissjonata biex tistampa u tibgħat ir-riżultati tat-testijiet kellha ħsara teknika fl-apparat tal-istampar. Mill-investigazzjoni rriżulta li kien hemm testijiet li ġew stampati bi żball fuq żewġ naħat bil-konsegwenza li l-ittri li rċievew numru ta' klijenti kienu jinkludu wkoll dejta ta' klijenti oħra.
Il-Ministeru ta direzzjoni li l-Primary HealthCare tipproċedi immedjatament billi tippreżenta notifika ta' ksur tal-Protezzjoni tad-Dejta lill-Kummissarju tal-Informazzjoni u l-Protezzjoni tad-Dejta għal aktar investigazzjoni min-naħa tagħha. Fl-istess ħin inħarġet ukoll ittra lil kull klijent li ġie milqut b'dan l-iżball tekniku biex is-sitwazzjoni tiġi rettifikata.
Stqarrijiet Oħra:
PR261929
PRESS RELEASE BY THE NATIONAL AUDIT OFFICE National Audit Office Malta hos...
PR261926