Left arrow Mur Lura

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MIS-SEGRETARJAT PARLAMENTARI GĦALL-INDAFA PUBBLIKA Jitneħħew 24,875 tunellata ta’ skart mis-sit fejn se jsir il-proġett Ċentru Nazzjonali tal-Motorsport

pr240798
Date Icon 10/05/2024

Ix-xogħol preparatorju fis-sit fejn se jkun żviluppat iċ-Ċentru Nazzjonali tal-Motorsport f’Ħal Far kompla għaddej b’aktar tindif biex b’hekk setgħu jitlestew is-surveys neċessarji marbutin mal-proġett kollu. B’hekk issa dawn is-surveys ingħalqu kollha.

L-aħħar tindif li sar kien proprju fejn se jsir iċ-ċirkwit tat-trakka l-ġdida tal-motorsport. Id-Diviżjoni tat-Tindif u l-Manutenzjoni beda din il-ħidma f’Novembru li għadda u sal-4 ta’ April tneħħew madwar 24,875 tunellata ta’ skart tal-kostruzzjoni permezz ta’ 995 vjaġġ b’25 tunellata ta’ skart kull vjaġġ.

Il-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima qal, “Illum qed naraw aktar ħidma għaddejja flimkien ma’ aktar entitajiet, u b’hekk qed inkomplu nikkonfermaw l-impenn tal-Gvern f’dan il-proġett. L-art li fuqha se jsir il-proġett issa ġiet konsolidata u tinsab f’idejn SportMalta, li min-naħa tagħha se tgħaddi din l-art lill-Malta Motorsport Federeation għat-twettiq tal-Kumpless li se jkun l-aqwa tat-tip tiegħu fil-Mediterran.”

Il-proġett tal-Kumpless tal-Motorsport f’Ħal Far se jkun qed jassigura li jsaħħaħ id-Drag Racing u l-Karting Track li diġà huma eżistenti, filwaqt li jinbena ċirkwit biswit dawn il-faċilitajiet. Dan il-proġett mhu se jieħu l-ebda art li hija ’l barra miż-żoni tal-iżvilupp imma se jsir fuq art li bħalissa diġà tintuża għal attività simili.

Is-Segretarju Parlamentari għall-Indafa Pubblika Glenn Bedingfield qal li, “Dan huwa proġett li kien imwiegħed minn dan il-gvern, u li se jsir minn dan il-gvern. Dan se jkun proġett tal-ogħla livell u se jservi bħala l-post fejn l-isportivi jistgħu jipprattikaw dan l-isport”. 

Is-segretarju parlamentari spjega li d-Diviżjoni tat-Tindif u l-Manutenzjoni tagħmel xogħol ieħor apparti ż-żamma tal-indafa pubblika fit-toroq arterjali u distributorji, tant li qed tinvesti f’makkinarju biex tkun f’pożizzjoni li tagħti sehemha fi proġetti kbar bħal dan taċ-Ċentru Nazzjonali tal-Motorsport. 

L-ewwel fażi tax-xogħol taċ-Ċentru Nazzjonali tal-Motorsport, se tiffoka fuq it-trakka tad-Drag Racing b’numru ta’ tibdiliet fil-faċilitajiet u t-trakka nnifisha. Dan se jara titjib infrastrutturali fuq it-trakka eżistenti tad-Drag Racing, li se jwassal biex din il-faċilità issa tkun tista’ tiġi ċċertifikata mill-Federazzjoni Internazzjonali Awtomobilistika (FIA) u b’hekk tidħol b’mod uffiċjali fil-kalendarju tal-FIA. Għalhekk, b’dan ix-xogħol se jkun possibbli li t-trakka tospita attivitajiet ta’ livell internazzjonali tad-Drag Racing.

Duncan Micallef, il-President tal-Malta Motorsport Federation, qal, “Bħala federazzjoni aħna responsabbli għal kull dilettant tal-motorsport li hawn f’Malta, u kulħadd jaf li ilna naħdmu għal dawn l-aħħar snin fuq dan il-proġett li qed isir f’Ħal Far. Illum qed naraw għaddej tindif li huwa parti mill-proġett, fejn se ssir it-trakka. Dan ifisser li l-gvern qed jagħti l-appoġġ kollu lil dan il-proġett, li għalih qed naħdmu id f’id. Dan it-tindif mhux l-ewwel pass, għaliex diġà sar ħafna xogħol, kif se jkompli għaddej fiż-żmien li ġej”.

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MIS-SEGRETARJAT PARLAMENTARI GĦALL-INDAFA PUBBLIKA Jitneħħew 24,875 tunellata ta’ skart mis-sit fejn se jsir il-proġett Ċentru Nazzjonali tal-Motorsport
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MIS-SEGRETARJAT PARLAMENTARI GĦALL-INDAFA PUBBLIKA Jitneħħew 24,875 tunellata ta’ skart mis-sit fejn se jsir il-proġett Ċentru Nazzjonali tal-Motorsport
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MIS-SEGRETARJAT PARLAMENTARI GĦALL-INDAFA PUBBLIKA Jitneħħew 24,875 tunellata ta’ skart mis-sit fejn se jsir il-proġett Ċentru Nazzjonali tal-Motorsport
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MIS-SEGRETARJAT PARLAMENTARI GĦALL-INDAFA PUBBLIKA Jitneħħew 24,875 tunellata ta’ skart mis-sit fejn se jsir il-proġett Ċentru Nazzjonali tal-Motorsport
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MIS-SEGRETARJAT PARLAMENTARI GĦALL-INDAFA PUBBLIKA Jitneħħew 24,875 tunellata ta’ skart mis-sit fejn se jsir il-proġett Ċentru Nazzjonali tal-Motorsport
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

Aktar Stqarrijiet Right arrow