Left arrow Go Back

STQARRIJA MIS-SEGRETARJAT PARLAMENATRI GĦAS-SAJD, L-AKWAKULTURA, U D-DRITTIJIET TAL-ANNIMALI Imġedda għal sena oħra l-kampanja ta’ tiswija b’xejn ta’ qtates ‘stray’

pr240779
Date Icon 08/05/2024

Imħabbar proġett pilota ta' tiswija b'xejn ta' klieb f'irziezet u klieb tar-razza bully

Waqt konferenza tal-aħbarijiet, is-Segretarju Parlamentari għas-Sajd, l-Akwakultura, u d-Drittijiet tal-Annimali Alicia Bugeja Said ħabbret li qed titwettaq wegħda elettorali oħra, hekk kif id-Direttorat għat-Trattament Xieraq tal-Annimali qed jerġa jġedded in-Neutering Campaign għal qtates 'stray', filwaqt li qed iniedi proġett pilota ta' tiswija b'xejn għal ċertu speċi ta' klieb.

Hija spjegat li għal dan il-proġett pilota se jkunu jistgħu jibbenefikaw sidien ta' klieb f'irziezet u sidien ta' klieb tar-razza bully, bil-għan li jonqos l-abbandun ta' dawn l-annimali. Semmiet kif fis-santwarji, inkluż fi ħdan l-Animal Welfare, hemm numru kbir ta' klieb tar-razza bully li jibqgħu ma jsibux min jaddottahom.

“L-għan tagħna huwa li nkomplu nħarsu d-drittijiet tal-annimali. Minbarra l-estensjoni tat-tiswija ta' qtates 'stray', permezz ta' din il-kampanja qegħdin inħarsu wkoll ir-riproduzzjoni ta' dawn l-ispeċi ta' klieb li, sfortunatament, ħafna minnhom jispiċċaw abbandunati," temmet tgħid is-Segretarju Parlamentari Bugeja Said.

Id-Direttur tad-Dipartiment għat-Trattament Xieraq tal-Annimali Joseph John Vella spjega l-parametri sabiex wieħed japplika għal din il-kampanja, kif ukoll għall-proġett pilota. Huwa spjega wkoll li l-klieb fl-irziezet u klieb tar-razza bully iridu jkunu reġistrati, bl-applikazzjoni tinħareġ fuq isem is-sid tal-kelb.

Għal aktar informazzjoni wieħed jista' jibgħat email fuq neutering.mafa@gov.mt jew iċempel mit-Tnejn sal-Ġimgħa, bejn is-7am u s-1pm, fuq 22924369.

STQARRIJA MIS-SEGRETARJAT PARLAMENATRI GĦAS-SAJD, L-AKWAKULTURA, U D-DRITTIJIET TAL-ANNIMALI Imġedda għal sena oħra l-kampanja ta’ tiswija b’xejn ta’ qtates ‘stray’
STQARRIJA MIS-SEGRETARJAT PARLAMENATRI GĦAS-SAJD, L-AKWAKULTURA, U D-DRITTIJIET TAL-ANNIMALI Imġedda għal sena oħra l-kampanja ta’ tiswija b’xejn ta’ qtates ‘stray’
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

More Press Releases Right arrow