Left arrow Mur Lura

STQARRIJA MILL-MINISTERU GĦALL-ĠUSTIZZJA U R-RIFORMA TAS-SETTUR TAL-KOSTRUZZJONI Ħatra ta’ Aġent Kap Eżekuttiv għall-Awtorità tal-Bini u l-Kostruzzjoni

pr240767
Date Icon 07/05/2024

Il-Bord tal-Awtorità dwar il-Bini u l-Kostruzzjoni ltaqa’ għall-ewwel darba wara li ġie rikompost u ħatar lill-Perit Roderick Bonnici bħala Aġent Kap Eżekuttiv ġdid tal-awtorità.

Il-Ministru għall-Ġustizzja u r-Riforma tas-Settur tal-Kostruzzjoni Jonathan Attard ħa l-okkażjoni biex jiltaqa’ mal-membri tal-bord u awgura lill-Perit Bonnici fl-okkażjoni tal-ħatra tiegħu fi ħdan din l-awtorità li kull ma jmur qiegħda tkompli tistabbilixxi rwol aktar b’saħħtu fis-settur tal-kostruzzjoni.

“Il-ħatra tal-Perit Bonniċi qed issir fi żmien fejn fl-awtorità se jsir proċess ta’ ristrutturar, b’tali mod li tkompli tirrispondi b’mod aktar effettiv u twettaq l-impenn tal-gvern li jkompli jgħolli l-istandards fis-settur tal-kostruzzjoni, f’konformità mal-manifest elettorali u mar-rakkomandazzjonijiet tal-inkjesta pubblika,” sostna l-Ministru Jonathan Attard.

Il-Perit Bonniċi, li kien il-kap tas-sezzjoni li tapprova l-applikazzjonijiet tal-permessi fi ħdan l-Awtorità tal-Bini u Kostruzzjoni, gradwa f’Baċellerat tal-Inġinerija u Arkitettura kif ukoll kwalifikat f’Masters fl-Immaniġġjar tal-Proġetti mill-Università ta’ Malta.

Huwa kien diġà ta kontribuzzjoni sostanzjali fl-Uffiċċju għar-Regolamenti tal-Bini fit-Taqsima tal-Infurzar, fi ħdan l-awtorità u fis-sezzjoni li kienet tkopri evitar ta’ ħsarat għal terzi. Preċedentement ħadem ukoll fil-qasam tal-infrastruttura ma’ aġenzija pubblika u anke fis-settur tal-kostruzzjoni fuq proġetti privati kif ukoll pubbliċi.

STQARRIJA MILL-MINISTERU GĦALL-ĠUSTIZZJA U R-RIFORMA TAS-SETTUR TAL-KOSTRUZZJONI Ħatra ta’ Aġent Kap Eżekuttiv għall-Awtorità tal-Bini u l-Kostruzzjoni
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

Aktar Stqarrijiet Right arrow