Left arrow Go Back

STQARRIJA MILL-GVERN TA’ MALTA

PR240756
Date Icon 04/05/2024

B’referenza għall-Istqarrija PR240672, dwar dawk li applikaw irregolarment u ħadu assistenza għal diżabilità severa li ma kinux intitolati għalihom u li kif rakkomandat mill-Kabinett tal-Ministri lill-President ta’ Malta, hu possibbli li jieħdu l-maħfra, il-proċedura tapplika għall-:

(1) persuni illi mill-1 ta’ Jannar 2022 ’il quddiem instabu ħatja minn Qorti Kriminali ta’ reati li ġejjin mill-fatt illi dawk il-persuni rċevew bħala benefiċjarji b’kull mod li jkun iżda indebitament, benefiċċju soċjali li ma kinux intitolati għalih;

(2) persuni illi għandhom proċeduri kriminali pendenti quddiem xi Qorti Kriminali dwar l-istess reati kommessi f’ċirkostanzi simili għal dawk li qiegħda ssir referenza għalihom fil-paragrafu (1); u

(3) persuni illi ottjenew benefiċċju soċjali li ma kienx dovut lilhom f’ċirkostanzi simili għal dawk li qiegħda ssir referenza għalihom u li huma possibbli li jittieħdu proċeduri kriminali kontra tagħhom minħabba dak il-fatt; u dan b’esklużjoni tal-persuni li kienu l-artefiċi, il-promoturi jew l-istigaturi tar-reati koperti minn din il-maħfra.

Għaldaqstant, u skont it-termini tal-Proklama maħruġa mill-President ta’ Malta kif ikkomunikati b’mod l-aktar ċar fi stqarrija tal-Gvern ta’ Malta msemmija aktar ’il fuq, kull persuna indikata fil-paragrafi (1), (2) jew (3) li tixtieq li tkun ikkunsidrata li tibbenefika minn din il-maħfra, għandha l-ewwelnett tagħmel talba permezz tar-rappreżentant legali tagħha lid-Direttur Ġenerali tas-Sigurtà Soċjali billi fost oħrajn tikkonferma li tixtieq trodd il-flus li ħadet lura u tipprovdi informazzjoni dwar kif se tħallas lura dak dovut.

Wara li jsiru l-verifikazzjonijiet kollha meħtieġa, malli l-persuna jew tħallas lura il-flus kollha, jew tidħol fi ftehim bil-miktub biex tibda tħallas flusha lura, it-talba għall-maħfra tintbagħat lill-Kummissarju tal-Pulizija u eventwalment lill-Ministeru għall-Ġustizzja sabiex dan tal-aħħar ikun jista’ jikkonferma l-ħruġ tal-maħfra lill-applikant.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

More Press Releases Right arrow