Left arrow Mur Lura

STQARRIJA MILL-MINISTERU GĦAT-TRASPORT, L-INFRASTRUTTURA U X-XOGĦLIJIET PUBBLIĊI U MIS- SEGRETARJAT PARLAMENTARI GĦALL-GVERN LOKALI Inawgurat vann tal-elettriku li se joffri servizz ta’ trasport b’xejn għall-anzjani residenti f’Ħal Luqa u Ħal Farruġ

pr240711
Date Icon 28/04/2024

Il-Kunsill Lokali ta' Ħal Luqa ngħata fondi bħala parti mill-kompetizzjoni annwali tal-Ġimgħa Ewropea għall-Mobilità

Il-Ministru għat-Trasport, l-Infrastruttura u x-Xogħlijiet Pubbliċi, Chris Bonett, u s-Segretarju Parlamentari għall-Gvern Lokali, Alison Zerafa Civelli, flimkien mas-Sindku ta' Ħal Luqa, John Schembri, u l-kunsilliera, inawguraw vann tal-elettriku li se jipprovdi trasport sostenibbli għall-anzjani residenti f'Ħal Luqa u Ħal Farruġ.

Il-Kunsill Lokali ta' Ħal Luqa ngħata għotja ta' €50,000 minn Transport Malta biex iwettaq din l-inizjattiva, bħala parti mill-kompetizzjoni annwali tal-Ġimgħa Ewropea għall-Mobilità. L-għan tal-kompetizzjoni kien li tiffinanzja miżuri permanenti ta' mobbiltà sostenibbli.

Il-Ministru Chris Bonett faħħar id-dedikazzjoni u l-viżjoni tal-Kunsill Lokali ta' Ħal Luqa fl-implimentazzjoni ta' din l-inizjattiva li taħseb 'il quddiem u għall-ġid taċ-ċittadini.

“Hekk kif inkomplu nagħtu prijorità lil soluzzjonijiet ta' mobilità sostenibbli, il-kollaborazzjoni mal-awtoritajiet lokali għandhom rwol kruċjali fil-ħolqien ta' komunitajiet reżiljenti u vibranti. B'inizjattivi bħal dawn qegħdin naraw li dejjem innaqqsu d-dipendenza fuq vetturi privati tal-individwi filwaqt li nkomplu nipprovdu modijiet ta' indipendenza fejn tidħol mobilità soċjali lil kull membru tal-komunità," qal il-Ministru Bonett.


Is-Segretarju Parlamentari Alison Zerafa Civelli faħħret l-impenn tal-Kunsill Lokali ta' Ħal Luqa li għaraf il-benefiċċju ta' din il-kompetizzjoni għal-lokalità u r-residenti tiegħu. Hija rrimarkat li permezz ta' dan il-vann tal-elettriku, il-Kunsill Lokali ta' Ħal Luqa ser iżid l-aċċessibbiltà u l-mobilità fil-lokalità u l-periferija ta' Ħal Luqa.

“Servizzi bħal dawn huma eżempju ċar tal-importanza tal-kunsilli lokali li jimplimentaw proġetti u inizjattivi fil-qalba tal-lokalitajiet li jsarrfu fi kwalità ta' ħajja aħjar għar-residenti," temmet tgħid is-Segretarju Parlamentari Zerafa Civelli.


Is-Sindku ta' Ħal Luqa John Schembri qal li dan is-servizz se jkun ta' użu kbir għall-komunità u se jkun eżempju għal passi iktar sostenibbli f'komunitajiet oħra.

STQARRIJA MILL-MINISTERU GĦAT-TRASPORT, L-INFRASTRUTTURA U X-XOGĦLIJIET PUBBLIĊI U MIS- SEGRETARJAT PARLAMENTARI GĦALL-GVERN LOKALI Inawgurat vann tal-elettriku li se joffri servizz ta’ trasport b’xejn għall-anzjani residenti f’Ħal Luqa u Ħal Farruġ
STQARRIJA MILL-MINISTERU GĦAT-TRASPORT, L-INFRASTRUTTURA U X-XOGĦLIJIET PUBBLIĊI U MIS- SEGRETARJAT PARLAMENTARI GĦALL-GVERN LOKALI Inawgurat vann tal-elettriku li se joffri servizz ta’ trasport b’xejn għall-anzjani residenti f’Ħal Luqa u Ħal Farruġ
STQARRIJA MILL-MINISTERU GĦAT-TRASPORT, L-INFRASTRUTTURA U X-XOGĦLIJIET PUBBLIĊI U MIS- SEGRETARJAT PARLAMENTARI GĦALL-GVERN LOKALI Inawgurat vann tal-elettriku li se joffri servizz ta’ trasport b’xejn għall-anzjani residenti f’Ħal Luqa u Ħal Farruġ
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

Aktar Stqarrijiet Right arrow