Left arrow Mur Lura

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Attiviżmu taż-żgħażagħ favur komunitajiet b’saħħithom – is-Segretarju Parlamentari Azzopardi Tanti fil-ftuħ ta’ konferenza għall-għaqdiet taż-żgħażagħ

PR240702
Date Icon 27/04/2024

“L-organizzazzjonijiet taż-żgħażagħ għandhom rwol ċentrali fl-attiviżmu taż-żgħażagħ biex inkomplu nsaħħu l-komunitajiet tagħna.” Hekk sostna s-Segretarju Parlamentari għaż-Żgħażagħ, ir-Riċerka u l-Innovazzjoni Keith Azzopardi Tanti fil-ftuħ ta’ konferenza għal għaqdiet taż-żgħażagħ. 

F’indirizz li għamel fil-konferenza bit-tema ‘Asking Youth Organisations’, is-Segretarju Parlamentari Azzopardi Tanti rrefera għas-sitt strateġija nazzjonali dwar il-politika taż-żgħażagħ, li tenfasizza l-ħtieġa li jitwessa’ u jiġi żviluppat aktar l-appoġġ għall-organizzazzjonijiet taż-żgħażagħ. Qal li l-Aġenzija Żgħażagħ hi katalista biex il-Gvern jisma’ mingħand iż-żgħażagħ u permezz ukoll ta’ din l-aġenzija, il-Gvern ikompli jinvesti f’diversi forom t’appoġġ għall-għaqdiet taż-żgħażagħ, fosthom fondi u riżorsi oħra, biex ikunu jistgħu jwettqu xogħolhom b’mod iktar effettiv.

Is-Segretarju Parlamentari Keith Azzopardi Tanti semma wkoll l-inizjattiva tad-Direttorju tal-Organizzazzjonijiet taż-Żgħażagħ, li jservi bħala riżorsa importanti għaż-żgħażagħ, il-ġenituri, l-edukaturi, u l-professjonisti li jaħdmu maż-żgħażagħ, inkluż il-ħaddiema żgħażagħ. Id-direttorju jiffaċilita ħidma kollaborattiva bejn l-organizzazzjonijiet taż-żgħażagħ filwaqt li jsaħħaħ is-sens ta’ ħidma kollettiva bejn l-għaqdiet.

Barra minn hekk spjega kif l-Aġenzija Żgħażagħ żviluppat is-‘Self Assessment Tool for Quality Work with Young People’ matul l-aħħar sena. Din l-għodda sservi bħala strument riflettiv li permezz tiegħu l-organizzazzjonijiet ikunu jistgħu jivvalutaw il-ħidma tagħhom u s-servizzi siewja li jipprovdu liż-żgħażagħ. Qal li din l-għodda ttejjeb ukoll l-operat tal-għaqdiet taż-żgħażagħ.

“Aħna kburin li qegħdin nospitaw din il-konferenza li tipprovdi pjattaforma għad-djalogu u l-kollaborazzjoni bejn l-organizzazzjonijiet taż-żgħażagħ,” iddikjara is-Segretarju Parlamentari Keith Azzopardi Tanti. Żied jgħid, “Il-kontribuzzjoni ta’ dawn l-għaqdiet bl-attiviżmu tagħhom hija imprezzabbli.”

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Attiviżmu taż-żgħażagħ favur komunitajiet b’saħħithom – is-Segretarju Parlamentari Azzopardi Tanti fil-ftuħ ta’ konferenza għall-għaqdiet taż-żgħażagħ
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Attiviżmu taż-żgħażagħ favur komunitajiet b’saħħithom – is-Segretarju Parlamentari Azzopardi Tanti fil-ftuħ ta’ konferenza għall-għaqdiet taż-żgħażagħ
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Attiviżmu taż-żgħażagħ favur komunitajiet b’saħħithom – is-Segretarju Parlamentari Azzopardi Tanti fil-ftuħ ta’ konferenza għall-għaqdiet taż-żgħażagħ
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Attiviżmu taż-żgħażagħ favur komunitajiet b’saħħithom – is-Segretarju Parlamentari Azzopardi Tanti fil-ftuħ ta’ konferenza għall-għaqdiet taż-żgħażagħ
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

Aktar Stqarrijiet Right arrow