Left arrow Go Back

STQARRIJA MIS-SEGRETARJAT PARLAMENTARI GĦAS-SAJD, L-AKWAKULTURA U D-DRITTIJIET TAL-ANNIMALI: Inwettqu Flimkien: Jibdew jitqassmu l-vouchers għal min adotta annimal domestiku mill-Animal Welfare

pr240683
Date Icon 25/04/2024

L-iskema mnedija s-sena li għaddiet, Adopt a Pet Scheme, rat numru ta’ persuni u familji li adottaw annimal domestiku mid-Dipartiment għat-Trattament Xieraq tal-Annimali (Animal Welfare). Wara perjodu ta’ monitoraġġ minn membri fi ħdan id-dipartiment sabiex jiżguraw li l-annimal adottat jinsab f’qagħda tajba wara l-adozzjoni, issa bdew jitqassmu vouchers ta’ €70 għal dawk li adottaw, sabiex jintużaw għal kura veterinarja.

Dan ħabbritu s-Segretarju Parlamentari responsabbli mid-Drittijiet tal-Annimali, Alicia Bugeja Said, waqt konferenza tal-aħbarijiet. Hija sostniet il-bżonn li aktar nies jagħżlu li jadottaw annimali domestiċi, biex b’hekk jipprovdu kenn u mħabba għal dawn l-annimali li ħafna minnhom sfaw abbandunati. “Dan il-voucher li qegħdin nagħtu llum huwa ġest ta’ ringrazzjament għal dawk in-nies li għażlu li jadottaw dawn l-annimali domestiċi,” qalet is-Segretarju Parlamentari.

Hija żiedet tgħid li l-Gvern se jkompli jagħti l-għajnuna tiegħu u jinċentiva lil dawk li jieħdu ħsieb l-annimali. “Se nkomplu nkunu l-vuċi tal-annimali u nħarsu d-drittijiet tagħhom. Kull min jagħti sostenn lill-annimali, se nkunu qegħdin ninċentivawh permezz ta’ diversi skemi bħal din u oħrajn li se jiġu mnedija fil-ġimgħat u x-xhur li ġejjin,” qalet is-Segretarju Parlamentari Bugeja Said.

Is-Segretarju Parlamentari temmet id-diskors tagħha billi rringrazzjat lill-ħaddiema kollha tad-Dipartiment għat-Trattament Xieraq tal-Annimali tax-xogħol siewi li jagħmlu fil-komunità għall-ħarsien tal-annimali.

Id-Direttur tad-Dipartiment għat-Trattament Xieraq tal-Annimali, Joseph John Vella, qal li d-dipartiment qed ikompli bil-ħidma sabiex jipproteġi lill-annimali, b’mod partikolari dawk li sfortunatament jiġu abbandunati. Għaldaqstant huwa ħeġġeġ li aktar nies jadottaw dawn l-annimali billi jmorru l-Għammieri jew jidħlu fuq is-sit adoptapet.gov.mt.

STQARRIJA MIS-SEGRETARJAT PARLAMENTARI GĦAS-SAJD, L-AKWAKULTURA U D-DRITTIJIET TAL-ANNIMALI: Inwettqu Flimkien: Jibdew jitqassmu l-vouchers għal min adotta annimal domestiku mill-Animal Welfare
STQARRIJA MIS-SEGRETARJAT PARLAMENTARI GĦAS-SAJD, L-AKWAKULTURA U D-DRITTIJIET TAL-ANNIMALI: Inwettqu Flimkien: Jibdew jitqassmu l-vouchers għal min adotta annimal domestiku mill-Animal Welfare
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

More Press Releases Right arrow