Left arrow Go Back

STQARRIJA MILL-MINISTERU GĦALL-EKONOMIJA, L-INTRAPRIŻA U PROĠETTI STRATEĠIĊI U MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI INWETTQU FLIMKIEN: ’Il fuq minn €1.3 miljun f’għotjiet għar-riċerka u proġetti diġitali

pr240599
Date Icon 16/04/2024

Il-Ministru għall-Ekonomija, l-Intrapriża u Proġetti Strateġiċi Silvio Schembri flimkien mas-Segretarju Parlamentari għaż-Żgħażagħ, ir-Riċerka u l-Innovazzjoni Keith Azzopardi Tanti nedew żewġ skemi ta' riċerka b'fondi li jammontaw għal aktar minn €1.3 miljun.

Wara li ġie ffirmat ftehim bejn l-Awtorità Maltija għall-Innovazzjoni Diġitali (MDIA) u l-Kunsill Malti għax-Xjenza u t-Teknoloġija (MCST), qiegħed jitnieda programm ta' fondi b'massimu ta' €1.2 miljun fuq perjodu ta' sentejn biex ikunu ffinanzjati proġetti diġitali fil-bidu tagħhom jew proġetti ta' applied research.

Min-naħa tagħha, l-MDIA se tkun qed toħroġ sejħa oħra għall-applied research grant b'total ta' €120,000. Din is-sejħa hija differenti għaliex mhux se tkun qed tiffoka fuq l-intelliġenza artifiċjali biss iżda anke teknoloġiji innovattivi oħra.

Il-Ministru Silvio Schembri qal li, “Bħala Gvern kommessi li nkomplu naħdmu flimkien  sabiex noffru l-appoġġ biex nindirizzaw niċeċ ekonomiċi li huma l-preżent kif ukoll il-futur. Huwa ta' sodisfazzjon li nara din il-kollaborazzjoni bejn entitajiet Governattivi, turija ċara kif qiegħed jinġibed ħabel wieħed, b'ħidma konġunta għal aktar suċċess." 

Is-Segretarju Parlamentari Keith Azzopardi Tanti spjega li permezz ta' din l-inizjattiva kollaborattiva, ir-riċerkaturi Maltin se jibbenefikaw mill-kompetenza tal-esperti tekniċi tal-MDIA, kif ukoll mill-esperjenza amministrattiva fejn tidħol l-implimentazzjoni tal-programmi għar-riċerka u l-innovazzjoni tal-MCST.

“B'dawn l-inizjattivi, qed noħolqu sistema fejn ir-riċerkaturi u l-imprendituri Maltin jistgħu verament jiżviluppaw l-ideat innovattivi tagħhom f'ambjent speċjalizzat, imfassal għall-bżonnijiet speċifiċi tagħhom.  Impenjati li naraw li din l-ispeċjalizzazzjoni settorjali jkollha l-inċentivi meħtieġa sabiex jissaħħu s-setturi innovattivi kollha li jixprunaw l-ekonomija Maltija," temm jgħid is-Segretarju Parlamentari Azzopardi Tanti.

Il-Kap Eżekuttiv tal-MDIA, Kenneth Brincat qal li, “L-inizjattivi li qed inniedu llum huma turija ta' kemm qed issir ħidma intensiva biex Malta dejjem tkun iktar preparata għall-futur, hekk kif it-teknoloġija qed tkompli tidħol f'ħajjitna b'ritmu mgħaġġel. Dan juri kemm l-użu ta' dawn it-tip ta' teknoloġiji differenti huwa wiesgħa ħafna, u għalhekk nagħrfu l-bżonn li, kif dejjem għamilna, inkunu ta' spalla billi noffru għajnuna finanzjarja għall-iżvilupp ta' dawn it-teknoloġiji innovattivi."

Iċ-Chairman tal-MCST Dr Tonio Portughese qal li, “Bħala Kunsill kommessi li nkomplu nsaħħu l-kooperazzjoni u l-kollaborazzjoni ma' entitajiet privati, awtoritajiet pubbliċi, NGOs,  kif ukoll ma' istituti ta' edukazzjoni u riċerka f'pajjiżna. Proprju permezz ta' din l-inizjattiva ser jinħolqu opportunitajiet li minnhom igawdi kulħadd, speċjalment is-setturi u l-oqsma li aħna bħala Kunsill għandna r-responsabbiltà tagħhom."

Għal aktar informazzjoni żur: https://mcst.gov.mt/digital-technologies-programme/ u https://www.mdia.gov.mt/schemes/applied-research-grant-marg/.

STQARRIJA MILL-MINISTERU GĦALL-EKONOMIJA, L-INTRAPRIŻA U PROĠETTI STRATEĠIĊI U MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI INWETTQU FLIMKIEN: ’Il fuq minn €1.3 miljun f’għotjiet għar-riċerka u proġetti diġitali
STQARRIJA MILL-MINISTERU GĦALL-EKONOMIJA, L-INTRAPRIŻA U PROĠETTI STRATEĠIĊI U MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI INWETTQU FLIMKIEN: ’Il fuq minn €1.3 miljun f’għotjiet għar-riċerka u proġetti diġitali
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow