Left arrow Mur Lura

STQARRIJA MILL-MINISTERU GĦAL GĦAWDEX U L-IPPJANAR ​Titnieda l-ħames edizzjoni tal-festival tax-xjenza u t-teknoloġija, 'Science in the Citadel'

pr240546
Date Icon 09/04/2024

Il-Ministru għal Għawdex u l-Ippjanar Clint Camilleri nieda l-ħames edizzjoni tal-festival 'Science in the Citadel' li se jittella' fiċ-Ċittadella nhar il-Ħadd 28 ta' April, bejn l-10am u s-6pm.

Dan il-festival mingħajr ħlas u mmirat għall-familja kollha, stabbilixxa ruħu bħala avveniment annwali fil-kalendarju ta' attivitajiet organizzati mill-Ministeru għal Għawdex u l-Ippjanar li bħal avvenimenti oħra qiegħed jattira għadd kbir ta' viżitaturi lejn iċ-Ċittadella sabiex jipparteċipaw f'dan il-festival tax-xjenza u t-teknoloġija.

“Science in the Citadel li għandu l-għan li jippromwovi l-edukazzjoni u l-involviment tax-xjenza, it-teknoloġija, l-inġinerija u l-matematika (STEM) fost il-pubbliku, kulma jmur dejjem qed isir aktar popolari u jattira aktar viżitaturi. Attivitajiet bħal dawn iqarrbuna iktar lejn id-dinja teknoloġika u xjentifika li issa, aktar minn qatt qabel, huma ta' importanza fil-ħajja tagħna ta' kuljum," tenna l-Ministru Camilleri.

Il-viżitaturi se jkunu jistgħu jipparteċipaw f'esebizzjonijiet interattivi, attivitajiet hands-on, u dimostrazzjonijiet li juru l-aħħar riċerka xjentifika u innovazzjonijiet teknoloġiċi. L-avveniment li qiegħed jilqa' fih parteċipanti minn kull sfera tax-xjenza ser ikun qiegħed joffri wkoll workshops, treasure hunt b'laqta xjentifika u kulturali, laqgħat ma' riċerkaturi u esperti tal-industrija.

Il-Ministru Clint Camilleri temm billi ħeġġeġ lil kulħadd biex għal sena oħra jattendi għal dan il-festival tant popolari tax-xjenza u t-teknoloġija.

'Science in the Citadel' huwa organizzat mid-Direttorat ta' EkoGħawdex fi ħdan il-Ministeru għal Għawdex u l-Ippjanar. Għal aktar informazzjoni wieħed jista' jidħol fis-sit https://eventsingozo.com/event/science-in-the-citadel/

STQARRIJA MILL-MINISTERU GĦAL GĦAWDEX U L-IPPJANAR ​Titnieda l-ħames edizzjoni tal-festival tax-xjenza u t-teknoloġija, 'Science in the Citadel'
STQARRIJA MILL-MINISTERU GĦAL GĦAWDEX U L-IPPJANAR ​Titnieda l-ħames edizzjoni tal-festival tax-xjenza u t-teknoloġija, 'Science in the Citadel'
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow