Left arrow Mur Lura

STQARRIJA MILL-MINISTERU GĦALL-INTERN, IS-SIGURTÀ U X-XOGĦOL: Il-binja tal-AWAS fil-Marsa mhux se sservi aktar bħala ċentru ta’ akkomodazzjoni għall-immigranti

pr240527
Date Icon 03/04/2024

Fl-aħħar ġranet ġiet imwettqa miżura oħra tal-programm elettorali tal-Gvern hekk kif il-binja tal-eks skola Dun Ġwann Mamo fil-Marsa mhux ser tibqa' tintuża bħala ċentru li fih jiġu akkomodati l-immigranti. Fl-aħħar xhur beda wkoll xogħol fuq din il-binja sabiex tibda tintuża għal skopijiet amministrattivi u ssir parti mill-pjanijiet ta' riġenerazzjoni fiż-żona. 

Il-Ministeru għall-Intern, is-Sigurtà u x-Xogħol għandu l-ħsieb li l-faċilitajiet sportivi u spazji oħra fuq l-istess sit jintużaw mill-komunità tal-Marsa u jiġu amministrati mill-Kunsill Lokali tal-Marsa. Dan ser iseħħ wara li fl-aħħar xhur il-Kunsill Lokali ingħata aċċess għal dan il-post u beda jorganizza attivitajiet fih. 

“Il-komunità Marsija refgħet piż sproporzjonat matul is-snin u dan il-Gvern impenjat li s-sitwazzjoni tinbidel. Għalaqna dan iċ-ċentru mingħajr ma poġġejna piżijiet fuq irħula oħra fil-pajjiż. Ħadna numru ta' snin biex dan seħħ iżda ridna nkunu ċerti li nagħmlu dan mingħajr ma jiġu affettwati s-servizzi li toffri l-AWAS," qal il-Ministru Byron Camilleri meta kien qiegħed iżur dan il-post. 

Huwa fakkar f'numru ta' deċiżjonijiet li ħa l-Gvern sabiex ikun jista' jindirizza l-fenomenu tal-immigrazzjoni irregolari u r-riżultat li nkiseb fl-2023 fejn aktar immigranti irregolari ħallew pajjiżna milli waslu. 

Filwaqt li l-awtoritajiet Maltin jibqgħu dejjem preparati għal kull eventwalità, id-deċiżjonijiet li ttieħdu qed iħallu differenza fil-komunitajiet tagħna bil-provi. Il-Ministru Camilleri għamel referenza għat-tnaqqis fil-wasliet, il-ħidma li saret sabiex il-proċess tal-ażil isir wieħed aktar effiċjenti u l-enfasi li qed issir fuq ir-ritorn ta' immigranti irregolari. 

Matul iż-żjara l-Ministru Byron Camilleri kien akkumpanjat mill-Kap Eżekuttiv tal-AWAS Clayton Xuereb. Il-Ministru Camilleri rringrazzja lit-tmexxija u l-ħaddiema kollha tal-AWAS, filwaqt li faħħar l-impenn u l-ħidma tagħhom sabiex jassistu nies bi sfidi varji f'kull ċirkostanza.

STQARRIJA MILL-MINISTERU GĦALL-INTERN, IS-SIGURTÀ U X-XOGĦOL: Il-binja tal-AWAS fil-Marsa mhux se sservi aktar bħala ċentru ta’ akkomodazzjoni għall-immigranti
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow