Left arrow Mur Lura

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Fl-Esplora se jittella’ l-avveniment “Spring into Science”

pr240506
Date Icon 28/03/2024

Iċ-Ċentru Interattiv tax-Xjenza, l-Esplora, se jkun qiegħed jiftaħ il-bibien tiegħu waqt il-btajjel tal-Għid bl-avveniment “Spring into Science". Id-dettalji dwar dan l-avveniment tħabbru mis-Segretarju Parlamentari għaż-Żgħażagħ, ir-Riċerka u l-Innovazzjoni Keith Azzopardi Tanti u l-Kap tal-Esplora Olaf Mc Kay fil-presenza taċ-Chairman tal-Kunsill Malti għax-Xjenza u t-Teknoloġija Tonio Portughese.

Matul dan l-avveniment, li se jsir mit-2 ta' April sas-7 ta' April 2024, il-viżitaturi se jkollhom l-opportunità li jieħdu sehem f'diversi attivitajiet relatati max-xjenza bit-tema tal-Għid. Dawn jinkludu workshops, u attivitajiet bħal egg hunt madwar l-Esplora.

Is-Segretarju Parlamentari Keith Azzopardi Tanti enfasizza l-importanza li jittellgħu avvenimenti bħal dawn. “Dan l-avveniment mhux biss se joffri esperjenza sabiħa għall-familja kollha iżda se jipprovdi wkoll opportunitajiet edukattivi siewja. Permezz ta' attivitajiet bħal dawn qed inkomplu nqarrbu liċ-ċittadini ta' kull età lejn ix-xjenza u lejn is-suġġetti STEM," tenna s-segretarju parlamentari.

Il-Kap tal-Esplora Olaf McKay spjega li għal dan l-avveniment se jiġi applikat l-għarfien tax-xjenza biex jittellgħu attivitajiet divertenti għal waqt il-btajjel tal-Għid. Semma wkoll li l-viżitaturi se jkollhom anke l-opportunità li jipparteċipaw f'attività sabiex isolvu kunċetti abbinati max-xjenza, t-teknoloġija, l-inġinerija u l-matematika (STEM).

Għal aktar informazzjoni żur: https://esplora.org.mt/spring-into-science-for-esploras-easter-celebrations/.

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Fl-Esplora se jittella’ l-avveniment “Spring into Science”
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Fl-Esplora se jittella’ l-avveniment “Spring into Science”
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow