STQARRIJA MIS-SEGRETARJAT PARLAMENTARI GĦALL-UGWALJANZA U R-RIFORMI Dr Joey Reno Vella se jinħatar bħala Chairman Eżekuttiv tal-Awtorità għall-Użu Responsabbli tal-Kannabis
L-Awtorità għandha l-għan li tirregola s-settur inkluż fost oħrajn il-liċenzjar ta' assoċjazzjonijiet, il-monitoraġġ u s-sorveljanza tagħhom kif ukoll għandha rwol edukattiv importanti.
Dr Joey Reno Vella huwa Avukat li speċjalizza fil-qasam tal-liġi ċivili u kriminali kif ukoll fil-Qorti tal-familja.
Fil-karriera tiegħu, ħadem fuq l-abbozzar ta' diversi riformi u leġiżlazzjoni, inkluża l-liġi dwar l-użu responsabbli tal-kannabis li wittiet it-triq għat-twaqqif tal-Awtorità għall-Użu Responsabbli tal-Cannabis (ARUC).
Minn dakinhar, Dr Vella ilu jikkontribwixxi b'mod attiv għall-iżvilupp tal-ARUC, fejn serva bħala Segretarju tal-Bord u bħala Membru tal-Bord tad-Diretturi tal-Awtorità.
Is-Segretarju Parlamentari Rebecca Buttigieg waqt li awgurat lil Dr Vella, irringrazzjat lis-Sur Leonid Mckay għas-servizz li ta fit-tmexxija tal-ARUC.
Stqarrijiet Oħra:
PR261931
STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...
PR261930en