Left arrow Mur Lura

STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Għajnuna lil tfal ta’ ġenituri morda serjament

PR240480
Date Icon 25/03/2024

Il-Ministeru għall-Politika Soċjali u d-Drittijiet tat-Tfal iffirma ftehim soċjali ġdid mal-Fondazzjoni Karl Vella għat-tliet snin li ġejjin. Din il-fondazzjoni tgħin tfal ta' ġenituri morda serjament, minn aspetti psiko-soċjali. Dan il-proġett 'Because You Matter' jgħin tfal u qrabathom, b'mod emozzjonali u jipprovdi assistenza psikoloġika fit-tul hekk kif ħafna drabi dawn il-każijiet ikunu diffiċli ħafna. Fil-fatt il-Fondazzjoni Karl Vella tgħin lil dawn il-familji, b'mod professjonali anke barra minn Malta, minħabba l-fatt li dawn ikollhom isiefru sabiex jieħdu t-trattament neċessarju b'rabta mal-marda li jkunu għaddejjin minnha.

Dawn id-dettalji tħabbru mill-Minstru Michael Falzon, fejn ingħad li se jingħataw mas-780 siegħa ta' xogħol u terapija professjonali kull sena għat-tliet snin illi ġejjin, u 3,120 siegħa t'analiżi psikoloġika u emozzjonali minn counsellors, psikologi u ħaddiema soċjali. Il-ftehim iffirmat japprova il-finanzjament ta' €257,400 mifruxa fuq it-tliet snin illi ġejjin. “Dan il-Gvern u l-Fondazzjoni Karl Vella, jemmnu li t-tfulija, hija fost l-aktar stadji importanti fl-iżvilupp ta' persuna u għalhekk taħdem sabiex tagħti l-aqwa dinjità lil kull tifel u tifla flimkien mal-qraba tagħhom. Dan speċjalment f'sitwazzjonijiet fejn t-tfal ikollhom membri tal-familja li qegħdin ibatu minn mard serju, b'riżultat li jaf ikun hemm inqas attenzjoni fuq it-tfal," saħaq il-Ministru Michael Falzon.

Il-Ministeru għall-Politika Soċjali u d-Drittijiet tat-Tfal kommess illi jkompli jsaħħaħ l-finanzjament tal-PSPs fix-xhur illi ġejjin, sabiex ikompli jilħaq aktar persuni vulnerabbli. Għal din is-sena kienet allokata s-somma ta' €12-il miljun, sabiex jiggarantixxu s-servizz fuq 35 ftehim soċjali illi hemm ma' 25 NGO.

STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Għajnuna lil tfal ta’ ġenituri morda serjament
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow