Left arrow Mur Lura

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MIS-SEGRETARJAT PARLAMENTARI GĦAX-XOGĦLIJIET PUBBLIĊI Investiment f’binja ġdida għall-klabb tar-Regatta ta’ Birżebbuġa

pr240459
Date Icon 22/03/2024

Il-Klabb tar-Regatta ta' Birżebbuġa se jkollu maħżen għad-dgħajjes u uffiċini ġodda minn fejn jopera fil-lokal ta' Birżebbuġa stess. Ħabbru dan il-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima u s-Segretarju Parlamentari għax-Xogħlijiet Pubbliċi Omar Farrugia waqt iffirmar ta' ftehim bejn id-Dipartiment għax-Xogħlijiet Pubbliċi u l-istess klabb.

Il-binja ta' żewġ sulari u sotterran se tinbena max-xatt ta' Birżebbuġa u ftit metri 'l bogħod minn slipway sabiex il-qaddiefa jkollhom aċċess faċli għall-baħar meta jniżżlu d-dgħajjes tagħhom. Is-sotterran u l-ewwel sular tal-binja se jintużaw bħala maħżen għad-dgħajjes filwaqt li t-tieni sular ser jintuża bħala uffiċini minn fejn l-amministrazzjoni se tibda topera. Il-binja ser tinbena f'post li bħalissa jinsab mitluq u se tkun attrezzata b'diversi faċilitajiet skont il-bżonnijiet ta' dan il-klabb. 

Il-Ministru Clifton Grima qal li dan huwa ftehim ieħor li juri l-impenn tal-Gvern biex jgħin lill-assoċjazzjonijiet u għaqdiet sportivi f'kull livell. Huwa qal li, “Il-ħidma tagħna f'dan is-settur tmur id f'id mal-viżjoni tagħna li nsaħħu s-settur sportiv biex inkomplu ngħollu l-livell tal-isport f'pajjiżna, anki fil-livell ta' klabbs". Huwa tkellem dwar l-għajnuna li qed jingħata fis-settur kemm b'diversi skemi li qed jingħataw l-assoċjazzjonijiet u l-klabbs biex dawn isaħħu l-ħidma tagħhom fid-diversi dixxiplini sportivi rispettivi u wkoll permezz ta' ftehim bħal dak tal-lum. “Dan il-ftehim juri l-impenn tagħna li nkomplu nwettqu l-wegħdiet sportivi elettorali, li l-għan tagħhom huwa li l-klabbs u l-federazzjonijiet sportivi jkollhom l-għodda u l-faċilitajiet biex ikompli jikbru," temm jgħid il-ministru.

Is-Segretarju Parlamentari Omar Farrugia qal li, “Meta ltqajna mal-amministrazzjoni ta' dan il-klabb u ressqu 'il quddiem l-isfidi li qed jaffaċċjaw, bħala Gvern intervjenejna mill-ewwel sabiex niżguraw li dan il-klabb sportiv jibqa' jopera u jrawwem fi ħdanu iktar tfal u żgħażagħ fl-isport tar-regatta. Filfatt, barra diversi sfidi loġistiċi, l-ikbar sfida għal dan il-klabb hija dik li jrawwem tfal ġodda f'dan l-isport peress li l-imħażen li jinkrew bħalissa jinsabu barra l-lokal. Permezz ta' dan il-proġett t-tfal u ż-żgħażagħ Birżebbuġin se jkollhom post attrezzat fejn jiltaqgħu biex jipprattikaw l-isport tal-qdif u fl-istess waqt inżommu t-tradizzjoni tar-regatta ħajja f'Birżebbuġa."

Il-President tal-Klabb tar-Regatta ta' Birżebbuġa Ian Farrugia qal li din is-sena l-klabb qed ifakkar l-għoxrin sena mit-twaqqif tiegħu u matul dawn is-snin qatt ma kellu l-binja tiegħu u dejjem opera minn maħżen mikri fil-Belt Valletta. Dan jikkawża diversi sfidi kemm għall-amministrazzjoni, għall-qaddiefa u speċjalment għall-ġenerazzjonijiet iż-żgħar li jitħajru jibdew dan l-isport. Is-Sur Farrugia irringrazzja lill-Gvern ta' dan il-proġett u ddeskrivih bħala ħolma li se tagħmel differenza kbira għal dawk kollha dilettanti tar-regatta f'Birżebbuġa u għal irħula oħra tal-madwar.

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MIS-SEGRETARJAT PARLAMENTARI GĦAX-XOGĦLIJIET PUBBLIĊI Investiment f’binja ġdida għall-klabb tar-Regatta ta’ Birżebbuġa
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MIS-SEGRETARJAT PARLAMENTARI GĦAX-XOGĦLIJIET PUBBLIĊI Investiment f’binja ġdida għall-klabb tar-Regatta ta’ Birżebbuġa
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI U MIS-SEGRETARJAT PARLAMENTARI GĦAX-XOGĦLIJIET PUBBLIĊI Investiment f’binja ġdida għall-klabb tar-Regatta ta’ Birżebbuġa
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow