Left arrow Mur Lura

STQARRIJA MILL-UFFIĊĊJU NAZZJONALI TAL-VERIFIKA Laqgħa Bilaterali u ffirmar ta’ Memorandum of Understanding bejn l-Awdituri Ġenerali ta’ Malta u l-Maċedonja ta’ Fuq

PR240450
Date Icon 21/03/2024

L-Awditur Ġenerali ta' Malta, is-Sur Charles Deguara, u l-kontroparti tiegħu mill-Maċedonja ta' Fuq, is-Sur Maksim Acevski, illum iffirmaw Memorandum ta' Kooperazzjoni (MoC) li jsaħħaħ il-kooperazzjoni bejn l-Uffiċċji rispettivi tagħhom. L-iffirmar sar fil-preżenza tad-delegati tal-Maċedonja ta' Fuq, kif ukoll id-Deputat Awditur Ġenerali, is-Sur Noel Camilleri u uffiċjali għolja oħra mill-Uffiċċju Nazzjonali tal-Verifika (NAO).

Iċ-ċerimonja tal-iffirmar tal-MoU, li saret fl-Uffiċċju Nazzjonali tal-Verifika, immarkat il-bidu ta' sensiela ta' impenji immirati lejn it-trawwim ta' kollaborazzjoni u skambju ta' għarfien espert u esperjenzi bejn iż-żewġ istituzzjonijiet tal-awditjar. Dan il-ftehim formali jfisser impenn biex tissaħħaħ ir-responsabbiltà, it-trasparenza, u l-effiċjenza fl-amministrazzjoni pubblika bejn iż-żewġ Uffiċċji.

Wara ċ-ċerimonja tal-iffirmar, id-delegazzjoni u l-uffiċjali tal-NAO bdew diskussjonijiet bilaterali li jkopru firxa ta' suġġetti bħall-mandati tal-awditjar u l-prattiki taż-żewġ Uffiċċji.

L-aġenda ta' għada għandha tkopri aktar diskussjonijiet fil-fond dwar oqsma ewlenin fosthom l-istrateġija tal-NAO għas-snin li ġejjin, il-kooperazzjoni mal-partijiet interessati, l-awditjar tal-gvern lokali, l-awditjar tal-għanijiet tal-iżvilupp sostenibbli u l-metodoloġiji tal-ippjanar tal-awditjar.

Din iż-żjara mhux biss tfisser pass kruċjali fir-relazzjoni bejn iż-żewġ istituzzjonijiet tal-awditjar iżda tenfasizza wkoll l-impenn tagħhom biex isaħħu r-rabtiet u jaqsmu l-aħjar prattiki fil-qasam tal-awditjar tas-settur pubbliku.

STQARRIJA MILL-UFFIĊĊJU NAZZJONALI TAL-VERIFIKA Laqgħa Bilaterali u ffirmar ta’ Memorandum of Understanding bejn l-Awdituri Ġenerali ta’ Malta u l-Maċedonja ta’ Fuq
STQARRIJA MILL-UFFIĊĊJU NAZZJONALI TAL-VERIFIKA Laqgħa Bilaterali u ffirmar ta’ Memorandum of Understanding bejn l-Awdituri Ġenerali ta’ Malta u l-Maċedonja ta’ Fuq
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

Aktar Stqarrijiet Right arrow