Left arrow Go Back

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Opportunitajiet ta’ fondi għall-proġetti li jsaħħu s-sostenibbiltà ekoloġika permezz tar-riċerka u l-innovazzjoni

PR240201
Date Icon 08/02/2024

F’seminar maqsum fuq jumejn, organizzat mill-Kunsill Malti għax-Xjenza u t-Teknoloġija (MCST) bħala parti mill-programm Ewropew PRIMA (Partnership for Research and Innovation in the Mediterranean Area), laqqa’ diversi riċerkaturi minn diversi pajjiżi fil-Mediterran. 

L-għan ta’ dan is-seminar huwa biex diversi riċerkaturi jikkollaboraw sabiex joħolqu soluzzjonijiet innovattivi għal użu aktar sostenibbli ta’ riżorsi primarji, b’mod partikolari fl-oqsma tal-immaniġġjar tal-ilma, l-ikel u sistemi ta’ biedja sostenibbli.

Waqt is-seminar ġew imħabbra l-opportunitajiet ta’ fondi għal din is-sena permezz tal-programm PRIMA, fejn ir-riċerkaturi kienu mħeġġa jressqu l-proposti tagħhom, fejn imbagħad jiġu assistiti minn tim fi ħdan l-MCST sabiex japplikaw għall-fondi. Ġie spjegat li l-proposti għandhom jiffukaw fuq ir-riċerka u l-innovazzjoni għal preservazzjoni aħjar tal-ambjent. 

Fid-diskors tiegħu waqt is-seminar, is-Segretarju Parlamentari Keith Azzopardi Tanti ħeġġeġ lir-riċerkaturi lokali sabiex jikkollaboraw ma’ riċerkaturi minn pajjiżi oħra li twassal għall-innovazzjoni f’diversi setturi, b’mod partikolari fejn jidħol it-tibdil tal-klima.

“L-opportunitajiet ta’ fondi li qed inħabbru llum huma xhieda tal-impenn tal-gvern li jkompli jinvesti fir-riċerka u l-innovazzjoni li jwasslu, fost affarijiet oħra, biex insaħħu diversi setturi biex ikunu aktar kompetittivi, reżiljenti u fuq kollox diversifikati,” temm jgħid is-Segretarju Parlamentari Azzopardi Tanti.

Tkellem ukoll iċ-Chairman tal-MCST Tonio Portughese, fejn qal li permezz ta’ dan is-seminar, il-Kunsill qed jagħti opportunità lir-riċerkaturi lokali u barranin biex jikkollaboraw, fejn din il-kollaborazzjoni twassal għal proġetti ta’ riċerka innovattiva li tindirizza kwistjonijiet komuni u kruċjali li jolqtu r-reġjun tal-Mediterran.

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Opportunitajiet ta’ fondi għall-proġetti li jsaħħu s-sostenibbiltà ekoloġika permezz tar-riċerka u l-innovazzjoni
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Opportunitajiet ta’ fondi għall-proġetti li jsaħħu s-sostenibbiltà ekoloġika permezz tar-riċerka u l-innovazzjoni
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  First 12 semiconductor start-ups complete Silicon Catalyst’s incubation programme, with some now setting up operations in Malta

PR261934en

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-ewwel 12-il start-up fis-settur tas-semikondutturi jtemmu l-programm ta’ Silicon Catalyst u wħud minnhom qed jistabbilixxu l-operat tagħhom f’Malta

PR261934

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow