Left arrow Go Back

STQARRIJA MILL-MINISTERU GĦALL-ARTIJIET U L-IMPLIMENTAZZJONI TAL-PROGRAMM ELETTORALI U S-SEGRETARJAT PARLAMENTARI GĦALL-GVERN LOKALI Imnedija skema li tiffaċilita d-devoluzzjoni tal-art lill-Kunsilli Lokali

PR240099
Date Icon 24/01/2024

Il-Ministru għall-Artijiet u l-Implimentazzjoni tal-Programm Elettorali Stefan Zrinzo Azzopardi flimkien mas-Segretarju Parlamentari għall-Gvern Lokali Alison Zerafa Civelli nedew skema ġdida mill-Awtorità tal-Artijiet li permezz tagħha l-Kunsilli Lokali kollha f'Malta u Għawdex se jkunu qed jibbenefikaw minn rati baxxi ta' kirjiet ta' art jew propjetà pubblika. Fil-fatt, tkun xi tkun l-art jew propjetà mikrija mingħand l-Awtorità tal-Artijiet, il-massimu tal-kera li tista' titħallas ikun biss ta' €500.

L-iskema ġiet imnedija waqt konferenza tal-aħbarijiet li saret f'Ġnien il-Ġibjun fiż-Żurrieq, li huwa wieħed mis-siti li se jibbenefika minn din l-iskema.

Il-Ministru Stefan Zrinzo Azzopardi rrikonoxxa li l-operat tal-Kunsilli Lokali jġib miegħu sfidi differenti skont id-daqs u n-natura tal-lokalità. “L-iskema li qed inniedu llum, filwaqt li se toffri serħan il-moħħ lill-Kunsilli Lokali hija turija ċara tal-impenn tal-Gvern li jkun ta' spalla għall-Kunsilli Lokali fit-twettieq tal-ħidma tagħhom fil-komunitajiet tagħna", tenna jgħid il-Ministru Zrinzo Azzopardi.

Il-Ministru temm jgħid li permezz ta' din l-iskema, il-Gvern qed jinvesti direttament fin-nies għaliex il-Kunsilli Lokali se jkunu jistgħu joffru aktar servizzi lill-komunitajiet tagħhom billi ser jonfqu inqas f'kirjiet. Fil-fatt, numru ta' Kunsilli lokali se jiffrankaw eluf ta' ewro b'din l-iskema.

Min-naħa tagħha, is-Segretarju Parlamentari Alison Zerafa Civelli qalet li l-kunsilli lokali għandhom diversi funzjonijiet fir-responsabbiltà tagħhom li jirrikjedu riżorsi varji sabiex jitwettqu. Hija spjegat kif permezz ta' din l-iskema l-kunsilli lokali ser jibqgħalhom aktar fondi li jistgħu jutilizzawhom għall-bżonnijiet tal-lokalitajiet u r-residenti tagħhom, b'mod aħjar u aktar effikaċi. “Aktar fondi f'idejn il-kunsilli lokali jfisser aktar investiment favur it-titjib tal-kwalità tal-ħajja tar-residenti" temmet tgħid is-Segretarju Parlamentari Zerafa Civelli.

Preżenti għat-tnedija ta' din l-iskema kien hemm is-Segretarju Permanenti tal-Ministeru għall-Artijiet u l-Implimentazzjoni tal-Programm Elettorali Carlos Tabone, il-Kap Eżekuttiv tal-Awtorità tal-Artijiet Robert Vella u s-Sindku taż-Żurrieq Rita Grima.

STQARRIJA MILL-MINISTERU GĦALL-ARTIJIET U L-IMPLIMENTAZZJONI TAL-PROGRAMM ELETTORALI U S-SEGRETARJAT PARLAMENTARI GĦALL-GVERN LOKALI Imnedija skema li tiffaċilita d-devoluzzjoni tal-art lill-Kunsilli Lokali
STQARRIJA MILL-MINISTERU GĦALL-ARTIJIET U L-IMPLIMENTAZZJONI TAL-PROGRAMM ELETTORALI U S-SEGRETARJAT PARLAMENTARI GĦALL-GVERN LOKALI Imnedija skema li tiffaċilita d-devoluzzjoni tal-art lill-Kunsilli Lokali
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  First 12 semiconductor start-ups complete Silicon Catalyst’s incubation programme, with some now setting up operations in Malta

PR261934en

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-ewwel 12-il start-up fis-settur tas-semikondutturi jtemmu l-programm ta’ Silicon Catalyst u wħud minnhom qed jistabbilixxu l-operat tagħhom f’Malta

PR261934

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow