STQARRIJA MILL-MINISTERU GĦAS-SAĦĦA U ANZJANITÀ ATTIVA
Il-Ministeru għas-Saħħa u Anzjanità Attiva jagħmel kjarifika għar-risposta mogħtija lbieraħ mill-Ministru Jo Etienne Abela, dwar l-ammont ta' mediċini preżentament out of stock, wara konferenza tal-aħbarijiet mhux relatata mas-suġġett.
Meta mistoqsi, il-Ministru kkwota figura ta' mediċini speċifiċi fl-isptar Mater Dei, iżda saħaq li kull pazjent huwa ttrattat b'alternattivi effikaċi. Il-Ministru Abela għalhekk jikkonferma li effettivament hemm biss 14-il mediċina tal-POYC out of stock fil-pajjiż, kif irrappurtat fl-aħħar aġġornament tac-Central Procurement and Supplies Unit (CPSU)- li huwa aċċessibbli għall-pubbliku onlajn u li jiġi aġġornat b'mod regolari.
Madanakollu, in-numru kkwotat mill-Ministru jirreferi għan-numru ta' mediċini li għalkemm ikunu neqsin mill-binja tal-Isptar Mater Dei jew spiżeriji oħra, ma jkunux out of stock fil-pajjiż għaliex ikun hemm stokk miżmum fl-imħażen tal-istess CPSU, li taħżen u tiddistribwixxi l-mediċini fl-istituzzjonijiet mediċi kollha pubbliċi madwar Malta u Għawdex. F' dawn il-każijiet id-dewmien fit-tqassim tal-ammonti mitluba mill-Isptar huwa kkawżat minħabba problemi loġistiċi marbuta man-natura ċċentralizzata tad-distribuzzjoni tal-mediċini.
Il-Ministeru għas-Saħħa u Anzjanità Attiva jibqa' kommess li jżomm in-numru ta' mediċini out of stock baxx, kif dejjem għamel fl-aħħar snin ta' Gvern Laburista.
Other Press Releases:
PR261935en
PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...
PR261935