Left arrow Go Back

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Kollaborazzjoni bejn Malta u l-UAE permezz tal-Executive Leadership Programme

pr240059
Date Icon 17/01/2024

20 uffiċjal għoli li jaħdmu fis-Servizz Pubbliku ta’ Malta qed jipparteċipaw fl-Executive Leadership Programme, programm ta’ taħriġ internazzjonali mmexxi minn professjonisti mill-Emirati Għarab Magħquda (UAE). Dan il-programm huwa parti minn ftehim li ġie ffirmat is-sena li għaddiet f’Dubai, bejn Malta u l-UAE.

Dan tħabbar f’konferenza li għaliha kien hemm preżenti s-Segretarju Parlamentari għaż-Żgħażagħ, ir-Riċerka u l-Innovazzjoni, Keith Azzopardi Tanti kif ukoll il-Viċi Ministru tal-Affarijiet tal-Kabinett għall-Kompetittività u l-Bdil tal-Esperjenza tal-UAE, Abdulla Nasser Lootah.

Fid-diskors tiegħu, is-Segretarju Parlamentari Keith Azzopardi Tanti spjega li permezz ta’ din il-kollaborazzjoni mal-Emirati Għarab Magħquda, ħaddiema fis-servizz pubbliku qed jingħataw taħriġ li jsaħħaħ ukoll is-servizz li jagħtu liċ-ċittadini.

“Dan il-programm ta’ eċċellenza jisħaq fuq l-importanza tal-edukazzjoni u l-iżvilupp professjonali. Għaldaqstant qed nagħtu opportunità lill-ħaddiema fis-servizz pubbliku sabiex ikomplu jikbru professjonalment u jkomplu jipprovdu servizz eċċellenti lill-pubbliku,” temm jgħid is-Segretarju Parlamentari Azzopardi Tanti. 

Min-naħa tiegħu, il-Viċi Ministru Abdulla Nasser Lootah semma li din is-sħubija strateġika ma’ Malta toħroġ mill-ftehim li ġie ffirmat bejn l-UAE u Malta. Huwa saħaq li t-tnedija tal-Executive Leadership Programme f’Malta hija xhieda tal-kooperazzjoni bilaterali bejn iż-żewġ gvernijiet.

Il-Kap Eżekuttiv tal-Kunsill Malti għax-Xjenza u t-Teknoloġija, Silvio Scerri, irringrazzja lill-kontropartijiet tal-UAE għas-sapport li rċevew mingħandhom. Huwa tenna l-impenn li jkomplu b’din il-kollaborazzjoni bil-għan li jkomplu jinħolqu aktar opportunitajiet ġodda.

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Kollaborazzjoni bejn Malta u l-UAE permezz tal-Executive Leadership Programme
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Kollaborazzjoni bejn Malta u l-UAE permezz tal-Executive Leadership Programme
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Kollaborazzjoni bejn Malta u l-UAE permezz tal-Executive Leadership Programme
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI: Kollaborazzjoni bejn Malta u l-UAE permezz tal-Executive Leadership Programme
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

STQARRIJA MILL-MINISTERU GĦALL-ENERĠIJA, L-AMBJENT U R-RIĠENERAZZJONI TAL-PORT IL-KBIR  L-ERA tniedi pubblikazzjoni kommemorattiva: Għaxar snin ta’ ħidma favur il-ħarsien tal-ambjent naturali ta’ Malta

PR261935

STQARRIJA MILL-MINISTERU GĦALL-ENERĠIJA, L-AMBJENT U R-RIĠENERAZZJONI TAL-P...

More Press Releases Right arrow