Left arrow Mur Lura

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Titwettaq miżura oħra tal-manifest elettorali bit-tnedija tal-inizjattiva ‘Il-Kotba Ħbieb tat-Tfal’

PR232001
Date Icon 18/12/2023

Illum, il-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni, bis-sehem tal-Aġenzija Nazzjonali tal-Litteriżmu nieda l-inizjattiva 'Il-Kotba Ħbieb tat-Tfal' fl-iskola primarja ta' Tas-Sliema, Kulleġġ Santa Klara. Din l-inizjattiva kienet imwiegħda fil-Manifest Elettorali Malta Flimkien, bil-għan li jintbagħat messaġġ ieħor b'saħħtu favur il-qari.

Permezz ta' din l-inizjattiva qed tkompli titrawwem l-imħabba lejn il-kotba fit-tfal minn ċkunithom. Għal dan il-għan se jibdew jitqassmu sett kotba kull sena lit-tfal kollha tal-livell primarju, biex dawn jibnu librerija ċkejkna f'darhom.

Waqt it-tnedija tal-inizjattiva, il-Ministru għall-Edukazzjoni Clifton Grima enfasizza l-messaġġ dwar l-importanza tal-qari. “Hija l-missjoni ewlenija tagħna bħala Gvern li naraw li kull forma ta' edukazzjoni tasal għand kulħadd. Parti integrali mill-edukazzjoni huwa l-qari, li mhux biss ikabbar l-għarfien, imma jiftaħ orizzonti ġodda lil kull student u studenta", qal il-Ministru Grima.

Fit-tnedija saret preżentazzjoni tal-kotba tal-qari li ntgħażlu b'reqqa biex jitqassmu lit-tfal bil-għan li tkompli titrawwem l-imħabba għal-letteratura. L-għotja ta' żewġ kotba bil-Malti u tnejn bl-Ingliż qed issir biex it-tfal ikunu mħeġġa jarmaw il-librerija personali tagħhom. B'kollox huwa maħsub li matul din is-sena skolastika se jingħataw 55,364 ktieb bil-Malti u bl-Ingliż lil 13,841 student u studenta mill-ewwel sat-tielet sena tal-iskola primarja.

Il-Gvern impenjat li jkompli jrawwem kultura ta' qari u kurżità intellettwali fost it-tfal. Bil-qari, it-tfal jimirħu f'dinja mimlija informazzjoni u immaġinazzjoni. Din l-inizjattiva twitti t-triq għal vjaġġ letterarju, vjaġġ li mistenni jħalli impatt qawwi fuq l-iżvilupp intellettwali u immaġinattiv tal-istudenti li se jirċievu l-kotba.

STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Titwettaq miżura oħra tal-manifest elettorali bit-tnedija tal-inizjattiva ‘Il-Kotba Ħbieb tat-Tfal’
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Titwettaq miżura oħra tal-manifest elettorali bit-tnedija tal-inizjattiva ‘Il-Kotba Ħbieb tat-Tfal’
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Titwettaq miżura oħra tal-manifest elettorali bit-tnedija tal-inizjattiva ‘Il-Kotba Ħbieb tat-Tfal’
STQARRIJA MILL-MINISTERU GĦALL-EDUKAZZJONI, L-ISPORT, IŻ-ŻGĦAŻAGĦ, IR-RIĊERKA U L-INNOVAZZJONI Titwettaq miżura oħra tal-manifest elettorali bit-tnedija tal-inizjattiva ‘Il-Kotba Ħbieb tat-Tfal’
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow