Left arrow Go Back

STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Imnedija kollezzjoni ta’ bolol ġodda tal-Funtana tat-Tritoni

PR231958
Date Icon 12/12/2023

Il-Ministru għax-Xogħlijiet Pubbliċi u l-Ippjanar Stefan Zrinzo Azzopardi nieda kollezzjoni ta' bolol ġodda tal-Funtana tat-Tritoni maħruġa mill-filatelija tal-posta. Dawn il-bolol ġew iddisinjati mill-fotografu Daniel Cilia u saru biex jikkommemoraw il-ħames anniversarju mill-inawgurazzjoni tar-restawr estensiv li kien sarilha.

Il-Ministru Zrinzo Azzopardi innota li l-Funtana tat-Tritoni hija punt ta' riferiment li tispikka fil-belt kapitali ta' pajjiżna u monument li jifforma parti intrinsika mill-ħajja tal-poplu Malti u mill-wirt kulturali u storiku tal-pajjiż. “Dawn il-bolol ifakkruna fl-istorja rikka ta' pajjiżna u fl-istess waqt qed iservu ta' pjattaforma biex jippromwovu l-istorja ta' pajjiżna mat-turisti u dawk li jgħixu barra minn xtutna."

Il-Ministru Zrinzo Azzopardi radd ħajr lill-ħaddiema kollha tad-Dipartiment tax-Xogħlijiet Pubbliċi għall-ħidma u l-impenn tagħhom tul is-snin biex il-Funtana tat-Tritoni terġa' tirritorna għall-glorja oriġinali tagħha u terġa' tistabbillixi ruħha bħala waħda mill-iprem ikoni turistiċi u monumentali f'pajjiżna. Il-funtana llum tinsab f'waħda mill-isbaħ pjazez ta' pajjiżna li ħadet isimha mill-isem tal-funtana stess.

Preżenti għat-tnehdija kien hemm is-Segretarju Permanenti tal-Ministeru għax-Xogħlijiet Pubbliċi u l-Ippjanar, is-Sur Carlos Tabone, il-kuratur tal-Funtana tat-Tritoni, is-Sur Kenneth Cauchi kif ukoll uffiċjali għolja mid-Dipartiment tax-Xogħlijiet Pubbliċi.

NOTA: Kopja ta' dawn il-bolol tista' tinxtara mill-Arkivju tad-Dipartiment tax-Xogħlijiet Pubbliċi. Għal iktar informazzjoni wieħed jista' jibgħat email fuq archives.pwd@gov.mt jew iċempel fuq 2292 2292.

STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Imnedija kollezzjoni ta’ bolol ġodda tal-Funtana tat-Tritoni
STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Imnedija kollezzjoni ta’ bolol ġodda tal-Funtana tat-Tritoni
STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR Imnedija kollezzjoni ta’ bolol ġodda tal-Funtana tat-Tritoni
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow