Left arrow Mur Lura

STQARRIJA MILL-MINISTERU GĦALL-ĠUSTIZZJA: Il-Ministru Attard jattendi għall-Kunsill tal-Ministri tal-Ġustizzja tal-Unjoni Ewropea

pr231646
Date Icon 20/10/2023

Il-Ministru tal-Ġustizzja Jonathan Attard attenda u pparteċipa fil-Kunsill tal-Ministri tal-Ġustizzja li ltaqa’ fil-Lussemburgu. L-aġenda ta’ dan il-kunsill kienet tinkludi diversi temi importanti, fosthom il-qalba għall-ġustizzja diġitali u d-drittijiet umani, l-aggressjoni tar-Russja fuq l-Ukrajna u diskussjoni fuq direttiva li tipproponi l-armonizzazzjoni ta’ numru ta’ aspetti ta’ insolvenza.

“Id-dispożizzjonijiet dwar l-azzjonijiet revokatorji huma ta’ benefiċċju għall-proċedimenti ta’ insolvenza peress li jikkontribwixxu għall-għan ta’ rkupru ogħla tal-assi. Għalhekk, b’mod ġenerali, Malta tappoġġja l-għanijiet ġenerali ta’ din id-direttiva proposta. Fil-fatt, l-Att dwar il-Kumpaniji tagħna diġà fih provvedimenti li permezz tagħhom jittratta diversi azzjonijiet li qed jiġu proposti,” tenna l-Ministru Attard.

Dan il-kunsill tal-ministri kien ukoll opportunità għall-istati membri biex jiddiskutu sfida komuni fost diversi pajjiżi, dik relatata mal-ħidma li qed isir biex tissaħħaħ l-effiċjenza u l-kwalità tal-ġustizzja. Hawnhekk il-Ministru Attard tkellem dwar ir-riformi u l-investiment bla preċedent li qiegħed iwettaq pajjiżna. Semma fost l-oħrajn l-investiment fil-qasam diġitali, b’fondi mill-Fond ta’ Irkupru u r-Reżiljenza, bl-intenzjoni li tkun implimentata l-Istrateġija Nazzjonali Diġitali fil-Ġustizzja. Irrifera wkoll għat-tisħiħ fil-ġudikatura, fil-prosekuzzjoni u l-ħaddiema fil-qrati, fejn illum għandna l-akbar għad ta’ persuni jservu fis-settur.

Fil-marġini ta’ dan il-kunsill, il-Ministru Attard kellu wkoll laqgħa bilaterali mas-Segretarju tal-Istat Ġermaniża Angelika Schlunck, fejn ġew diskussi numru ta’ temi ta’ interess u koperazzjoni bejn iż-żewġ pajjiżi.

STQARRIJA MILL-MINISTERU GĦALL-ĠUSTIZZJA: Il-Ministru Attard jattendi għall-Kunsill tal-Ministri tal-Ġustizzja tal-Unjoni Ewropea
STQARRIJA MILL-MINISTERU GĦALL-ĠUSTIZZJA: Il-Ministru Attard jattendi għall-Kunsill tal-Ministri tal-Ġustizzja tal-Unjoni Ewropea
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow