Left arrow Go Back

STQARRIJA MILL-MINISTERU GĦALL-ANZJANITÀ ATTIVA

pr231643
Date Icon 20/10/2023

Il-Ministru għall-Anzjanità Attiva Jo Etienne Abela indirizza l-konferenza Med-Tech World li qed issir f'pajjiżna. Matul din il-konferenza qed jiġu diskussi bosta temi, fosthom l-innovazzjoni diġitali fil-kura tas-saħħa b'mod speċjali tal-anzjani, kif ukoll l-importanza tal-kwalità u s-sigurtà fl-oqsma tal-mediċina, farmaċija u tagħmir mediku.

Il-Ministru Jo Etienne Abela beda d-diskors tiegħu billi rrimarka li l-post fejn qed issir din il-konferenza, Dar il-Mediterran għall-Konferenzi,  magħrufa bħala Sacra Infermeria, kellha storja ta' eċċellenza unika fid-dinja fil-provediment ta' kura li bdiet 400 sena ilu. Huwa kompla li minkejja iċ-ċokon ta' pajjiżna, ninsabu fuq quddiem nett f'dak li jirrigwarda kura ta' eċċellenza. 

Il-Ministru Abela spjega l-viżjoni tal-gvern fil-qasam tal-anzjanità attiva, fejn semma kif fost il-prijoritajiet f'dan is-settur hemm il-kura preventiva fejn għaddejja ħidma sabiex jiġu estiżi programmi ta' monitoraġġ għall-kundizzjonijiet li jwasslu għal diżabilità u dipendenza. Semma wkoll il-ħidma sabiex servizzi ta' kura jitwasslu fid-djar tal-anzjani li jgħixu fil-komunità. 

Il-Ministru Abela semma wkoll kif id-diġitalizzazzjoni u l-użu ta' teknoloġija intelliġenti għandu jgħin ir-riżors uman sabiex iwassal servizzi tal-ogħla kwalità u enfasizza wkoll l-importanza tal-aċċessibiltà tat-teknoloġija għall-anzjani. 

Il-Ministru Abela temm jgħid kif l-operat fil-qasam tal-kura għall-anzjani għandu jkompli mixi lejn it-transizzjoni diġitali u ambjentali filwaqt li jibqa' ffukkat mill-bidu sal-aħħar fuq il-ħtiġijiet tal-anzjani.

STQARRIJA MILL-MINISTERU GĦALL-ANZJANITÀ ATTIVA
STQARRIJA MILL-MINISTERU GĦALL-ANZJANITÀ ATTIVA
STQARRIJA MILL-MINISTERU GĦALL-ANZJANITÀ ATTIVA
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow