Left arrow Mur Lura

​​STQARRIJA MILL-UFFIĊĊJU TAL-PRIM MINISTRU Waqt żjara f’kumpanija tal-AI, il-Prim Ministru tenna li l-pajjiż se jibqa’ jattira kumpaniji li jġibu xogħol ta’ kwalità

pr231381
Date Icon 18/09/2023

Il-Prim Ministru Robert Abela żar kumpanija internazzjonali li tispeċjalizza fuq soluzzjonijiet li jużaw l-intelliġenza artifiċjali, SmartCow. Din il-kumpanija għandha l-bażi tagħha f’diversi bliet madwar id-dinja fosthom f’pajjiżna, f’Pariġi, Milan, Singapore, u dalwaqt bażi oħra f’Dubai.

Waqt iż-żjara, il-Prim Ministru tenna li l-ħolqien tax-xogħol huwa l-bażi tal-ħolqien tal-ġid. Iżda rridu niżguraw li x-xogħol li nattiraw ikun ta’ kwalità, li jiżgura li tgħix ħajja aħjar. Pajjiżna se jibqa’ miftuħ għan-negozju u se nkomplu nattiraw kumpaniji li jġibu f’Malta karrieri ta’ kwalità. Il-Prim Ministru Robert Abela nnota wkoll kif kumpaniji bħal SmartCow huma dawk li qegħdin jippreparaw lil pajjiżna għall-futur. Qegħdin ninvestu kmieni fil-kapital uman, biex f’Malta naraw setturi bħal dawn jikbru u jagħmluna aktar kompetittivi u aktar attraenti minn pajjiżi oħra. 

B’din il-kumpanija tirrifletti preċiżament it-tranżizzjoni ekonomika li qed iħaddem il-Gvern, fil-fatt 90% tal-ħaddiema li tħaddem huma inġiniera.

Il-Prim Ministru rrimarka mill-ġdid l-importanza tas-settur tal-intelliġenza artifiċjali u l-opportunitajiet ta’ xogħol ta’ kwalità li jeżistu f’dan il-qasam. 

Il-Prim Ministru kkonkluda li rridu nħeġġu aktar Maltin jagħżlu dawn il-karrieri, u l-Gvern se jibqa’ jinċentiva dan, anke b’tisħiħ tal-istipendju f’dawk l-aktar oqsma bżonjużi għas-soċjetà. 

SmartCow, minbarra riċerka u analiżi fuq teknoloġija AI, ibiddlu software li juża AI f’hardware li wara jista’ jintuża f’diversi prodotti bħal kameras ta’ sigurtà. SmartCow se tkun ukoll waħda mill-esebituri waqt it-TechXpo li se tkun qed tittella’ bejn id-19 u l-21 ta’ Settembru fl-MFCC f’Ta’ Qali. Dan l-avveniment għandu l-għan li jservi bħala pjattaforma fejn wieħed jesplora l-oqsma dinamiċi tal-intelliġenza artifiċjali (AI), teknoloġiji emerġenti, networking għan-negozju, u opportunitajiet ta’ karriera. Avveniment indirizzat għall-entużjasti tat-teknoloġija iżda wkoll spazju sabiex l-industrija Maltija tesebixxi l-investiment li qed isir fit-teknoloġija, bil-għan li tattira iżjed kompetittività, tkabbir ekonomiku ta’ kwalità u reżiljenza fis-settur. 

Preżenti għaż-żjara kien hemm ukoll il-Ministru għall-Ekonomija, il-Fondi Ewropej u l-Artijiet Silvio Schembri u l-Kap Eżekuttiv tal-MDIA Kenneth Brincat.

​​STQARRIJA MILL-UFFIĊĊJU TAL-PRIM MINISTRU Waqt żjara f’kumpanija tal-AI, il-Prim Ministru tenna li l-pajjiż se jibqa’ jattira kumpaniji li jġibu xogħol ta’ kwalità
​​STQARRIJA MILL-UFFIĊĊJU TAL-PRIM MINISTRU Waqt żjara f’kumpanija tal-AI, il-Prim Ministru tenna li l-pajjiż se jibqa’ jattira kumpaniji li jġibu xogħol ta’ kwalità
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow