STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg b’laqgħa mal-Ministru għall-Ġustizzja u Rappreżentant Speċjali għall-President tal-Korea t’Isfel
Matul il-jum tat-Tlieta, it-12 ta' Settembru, il-Ministru għall-Affarijiet Barranin u Ewropej u l-Kummerċ Ian Borg iltaqa' mal-Ministru għall-Ġustizzja u Rappreżentant Speċjali għall-President tal-Korea t'Isfel Han Dong Hoon sabiex jiddiskutu kif pajjiżna u dak tal-Korea t'Isfel jistgħu jkomplu jsaħħu r-relazzjonijiet diġà b'saħħithom ta' bejniethom.
“Matul l-aħħar 57 sena, iż-żewġ pajjiżi tagħna bbenefikaw b'mod profond minn rabtiet mill-qrib, imsejsa fuq ħbiberija stmata, fiduċja reċiproka, u r-rispett," qal il-Ministru Borg, filwaqt li stqarr li madankollu hemm lok għal aktar kollaborazzjoni, speċjalment f'oqsma ta' interess reċiproku, bħall-kummerċ u l-kooperazzjoni fuq bażi Ministerjali.
Il-Ministru għall-Ġustizzja u Rappreżentant Speċjali għall-President tal-Korea t'Isfel Han Dong Hoon irringrazzja lil Ministru Ian Borg tal-ospitalità li rċieva ġewwa pajjiżna u saħaq li jinsab ħerqan sabiex iż-żewġ pajjiżi jsibu mezzi bħall-kummerċ biex ikomplu jsaħħu r-relazzjonijiet bilaterali tagħhom.
Matul il-laqgħa ġew diskussi bosta temi oħra, fosthom ir-relazzjonijiet bejn l-Unjoni Ewropea u l-Korea t'Isfel kif ukoll l-gwerra tal-Ukrajna.
Stqarrijiet Oħra:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en