Left arrow Go Back

STQARRIJA MILL-MINISTERU GĦALL-FINANZI U X-XOGĦOL Riżultati u l-Allokazzjoni tal-Ħruġ tal-Istock tal-Gvern ta’ Malta – Settembru 2023

pr231317
Date Icon 07/09/2023

Id-Dipartiment tat-Teżor iħabbar ir-riżultati tal-ħruġ tal-iStock tal-Gvern ta' Malta ta' Settembru 2023. It-Teżor irċieva s-somma nominali ta' madwar €327 miljun mill-investituri mhux professjonali u l-investituri wholesale flimkien, waqt li l-ammont tal-ħruġ kien ta' €260 miljun soġġett li s-somma tiżdied b'ammont addizzjonali sa massimu ta' €140 miljun.

Sottoskrizzjonijiet minn Investituri Mhux Professjonali (retail)

Sad-data tal-għeluq, fis-2.30 p.m. tat-Tlieta l-5 ta' Settembru 2023, il-valur nominali tal-applikazzjonijiet kollha magħmula minn investituri mhux professjonali (retail) fiż-żewġ stocks kien ta' madwar €81.5 miljun. Dawn l-applikazzjonijiet magħmula taħt il-parti mhux kompetittiva tal-ħruġ bi prezz fiss imħabbar qabel il-ftuħ tal-applikazzjonijiet ser jintlaqgħu kollha.

Id-dettalji tal-allokazzjoni f'kull stock se jiġu ppublikati permezz ta' Stqarrija għall-Istampa u jittellgħu fuq is-sit elettroniku tat-Teżor immedjatament wara li l-applikazzjonijiet ikunu iċċertifikati konformi mat-termini tal-Prospett Ġenerali u ċ-Ċirkolari tal-Offerta.

It-Teżor ser jeżerċita d-dritt li jżid is-somma awtorizzata tal-ħruġ ta' €260 miljun b'konformita` ma' Artikolu 9 taċ-Ċirkolari tal-Offerta  ppublikata fil-25 ta' Awwissu tal-2023.

Għaldaqstant, it-Teżor ser jalloka l-offerti mitfugħa fl-irkant kif jidher aktar 'l isfel:

Irkant Kompettitiv – Wholesale Investors

Sad-data tal-għeluq, f'nofsinhar tal-Ħamis is-7 ta' Settembru 2023, it-Teżor irċieva 58 offerta minn investituri wholesale fiż-żewġ stocks b'valur nominali flimkien ta' €245.5 miljun li ġew allokati kif ġej: 

Offerti sottomessi fl-IrkantAllokazzjoni
Deskrizzjoni tal-iStockNr.Ammont Nominali (€)Nr.Ammont Nominali (€)
4.00% Stock tal-Gvern ta' Malta  2033 (IV) 43237,000,00041217,000,000
4.30% Stock tal-Gvern ta' Malta 2038 (II) 158,500,00095,000,000
Total58245,500,00050222,000,000

Aktar tagħrif u informazzjoni jinsabu fir-Riżultati tal-Ħruġ tal-iStock li ġew ippubblikat fuq is-sit elettroniku tad-Dipartiment tat-Teżor www.treasury.gov.mt.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow