STQARRIJA MILL-MINISTERU GĦAT-TURIŻMU
L-attitudni tal-Oppożizzjoni hi waħda perikoluża u tmur kontra l-interess nazzjonali anke fl-industrija tal-films. L-aġir tal-Oppożizzjoni fuq l-inċentivi fiskali biex pajjiżna jibqa' jattira l-investiment fl-industrija tal-films hija immirata biex toħloq kampanja ta' misinformazzjoni li permezz tagħha mhux biss tgerrex l-investiment iżda tipperikola x-xogħol ta' ħafna nies fl-industrija tal-films.
Il-programm ta' cash rebate offrut lill-produtturi tal-films huwa approvat permezz ta' Avviżi Legali u għandu l-approvazzjoni b'konformità ma' regoli Ewropej. L-awditjar rigoruż isir fuq kull produzzjoni qabel ma jingħata l-cash rebate. Din l-iskema ġiet introdotta fl-2006, u kompliet tissaħħaħ mill-2013 'il quddiem biex pajjiżna jibqa' kompetittiv, jinħoloq xogħol ta' kwalità u tingħata garanzija għal dawk kollha li jaħdmu u jinvestu fl-industrija tal-films.
Grazzi għal dan il-programm ta' inċentivi fiskali llum pajjiżna qiegħed iġib xogħol fl-industrija tal-films matul is-sena kollha. Għalhekk ikun għaqli għal min qiegħed jipprova jtappan dawn l-inċentivi biex ma jagħmilx dan is-suġġett ballun politiku.
Other Press Releases:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en