Left arrow Mur Lura

​​STQARRIJA MIS-SEGRETARJAT PARLAMENTARI GĦAR-RIFORMI U L-UGWALJANZA Jirrankaw it-tħejjijiet għall-EuroPride Valletta 2023

pr231257
Date Icon 23/08/2023

Meta jonqos kważi ġimagħtejn għall-EuroPride Valletta 2023, it-tħejjijiet għal programm ta’ attivitajiet kulturali, għall-konferenzi u għall-mixja jinsabu fl-aqwa tagħhom. Eluf diġà bbukkjaw l-attendenza tagħhom għal bosta attivitajiet, fost oħrajn għall-kunċert ta’ Christina Aguilera, li ser isir fuq il-Fosos tal-Floriana fis-16 ta’ Settembru. Kelliem għall-organizzaturi qal li fadal ftit biljetti għal dan il-kunċert mingħajr ħlas iżda li għalih trid tikseb il-biljetti minn qabel.

Is-Segretarju Parlamentari għar-Riformi u l-Ugwaljanza Rebecca Buttigieg żaret wirja internazzjonali tal-arti li qed tittella’ ġewwa Spazju Kreattiv fl-okkażjoni tal-EuroPride Valletta 2023. Il-wirja bit-tema ‘Wind blows waves... in all direction’ tiġbor xogħlijiet ta’ 25 artist u attivisti Maltin u minn għaxar pajjiż tal-Mediterran dwar il-mixja u l-isfidi tal-komunità LGBTIQ+ biex tikseb id-drittijiet ċivili u l-ugwaljanza.

Is-Segretarju Parlamentari Buttigieg qalet li din il-wirja hija mera artistika tal-aspirazzjonijiet tal-komunità LGBTIQ+ fil-passat, fil-preżent u fil-futur biex tinkiseb l-ugwaljanza u r-rispett bl-imħabba ta’ kull persuna, irrispettivament l-orjentazzjoni sesswali tagħha. Żiedet tgħid li Malta trid tkun ta’ mudell għal pajjiżi oħra fil-Mediterran fejn l-aspirazzjonijiet leġittimi ta’ dawn il-persuni għadhom mhumiex milħuqa. 

L-element kulturali u artistiku flimkien ma’ dak edukattiv, ser jagħmlu l-EuroPride ta’ Malta, ċelebrazzjoni tal-mixja favur l-ugwaljanza u r-rispett. Is-Segretarju Parlamentari Buttigieg qalet li f’din id-29 edizzjoni tal-EuroPride, Malta ser tagħti xhieda tal-impenn tagħha li tkompli tkun vuċi favur id-drittijiet tal-persuni LGBTIQ+.

​​STQARRIJA MIS-SEGRETARJAT PARLAMENTARI GĦAR-RIFORMI U L-UGWALJANZA Jirrankaw it-tħejjijiet għall-EuroPride Valletta 2023
​​STQARRIJA MIS-SEGRETARJAT PARLAMENTARI GĦAR-RIFORMI U L-UGWALJANZA Jirrankaw it-tħejjijiet għall-EuroPride Valletta 2023
​​STQARRIJA MIS-SEGRETARJAT PARLAMENTARI GĦAR-RIFORMI U L-UGWALJANZA Jirrankaw it-tħejjijiet għall-EuroPride Valletta 2023
​​STQARRIJA MIS-SEGRETARJAT PARLAMENTARI GĦAR-RIFORMI U L-UGWALJANZA Jirrankaw it-tħejjijiet għall-EuroPride Valletta 2023
​​STQARRIJA MIS-SEGRETARJAT PARLAMENTARI GĦAR-RIFORMI U L-UGWALJANZA Jirrankaw it-tħejjijiet għall-EuroPride Valletta 2023
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow