Left arrow Go Back

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Jitħabbru l-ħames proġetti li se jibbenefikaw min-National STEM Community Fund 2023

pr231080
Date Icon 10/07/2023

F’konferenza tal-aħbarijiet ġew imħabbra l-ħames proġetti li se jibbenefikaw minn fondi allokati għat-tieni edizzjoni tan-National STEM Community Fund 2023. L-għan ta’ dan il-fond komunitarju huwa sabiex iżid aktar għarfien tas-suġġetti STEM fil-komunità.

Is-Segretarju Parlamentari għaż-Żgħażagħ, ir-Riċerka u l-Innovazzjoni Keith Azzopardi Tanti stqarr kemm huwa importanti li jiżdied l-għarfien ta’ STEM fil-komunità. “Qed inkomplu nżidu l-għarfien fis-suġġetti STEM għaliex nafu li kemm fil-preżent u anke fil-futur, dawn is-suġġetti se jkunu indispensabbli fil-ħajja tagħna. Għaldaqstant huwa essenzjali li l-edukazzjoni tas-suġġetti STEM ma tieqafx biss fl-iskejjel, iżda tinxtered ukoll fil-komunità biex in-nies jaraw il-benefiċċji tagħha,” saħaq is-Segretarju Parlamentari Azzopardi Tanti.

Tkellem ukoll iċ-Chairman tal-Kunsill Malti għax-Xjenza u t-Teknoloġija (MCST) Tonio Portughese fejn qal li l-Kunsill għandu l-għan li jgħin lir-riċerkaturi lokali jwettqu proġetti għall-ġid komuni. Kompla li dan il-fond qiegħed mhux biss jilħaq dan il-għan, iżda jagħti lok lir-riċerkaturi jinvestu l-isforzi tagħhom fil-qalba tal-komunità mal-komunità innifisha.

Il-Kap tal-Esplora Olaf Mc Kay tenna li, “Il-ħsieb ta' dan il-fond huwa li jispira u jippermetti li proġetti bbażati fuq aspetti teoretiċi u prattiċi tal-erba’ pilastri li jifformaw STEM, jiġifieri x-Xjenza, it-Teknoloġija, l-Inġinerija u l-Matematika, ikunu jistgħu jiġu implimentati. Proġetti maħluqa mill-komunità għall-komunità.”

Il-proġetti magħżula huma:

Grow Your Own – użu ta’ hydrophonics fil-ġonna għall-agrikoltura sostenibbli. Proġett mill-Kulleġġ De La Salle;

Beat the Wheat – celiac screening għall-komunità. Proġett mill-Assoċjazzjoni Maltija tax-Xjentisti Bijomediċi (MABS);

Bombs to Batoids – Filfla Nature Reserve at 35 – l-istat attwali tal-ewwel Riserva Naturali Maltija. Proġett minn Sharklab-Malta;

D.I.C.E. - Design, Innovate & Connect Efficiently – Proġett mill-Kulleġġ t’Għawdex;

STEMmersion – tagħlim dwar STEM. Proġett mis-Segretarjat tal-Edukazzjoni Kattolika.

Għal aktar informazzjoni wieħed jista’ jżur National STEM Community Fund 2023 – Awardees - Esplora.

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Jitħabbru l-ħames proġetti li se jibbenefikaw min-National STEM Community Fund 2023
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Jitħabbru l-ħames proġetti li se jibbenefikaw min-National STEM Community Fund 2023
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Jitħabbru l-ħames proġetti li se jibbenefikaw min-National STEM Community Fund 2023
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Jitħabbru l-ħames proġetti li se jibbenefikaw min-National STEM Community Fund 2023
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow