Left arrow Mur Lura

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Malta tilqa’ l-ftehim unanimu tal-IMO dwar it-tneħħija gradwali tal-emissjonijiet tal-GHG mill-vapuri

pr231068
Date Icon 07/07/2023

L-Organizzazzjoni Internazzjonali Marittima (OMI) illum laħqet ftehim storiku u unanimu fost ’il fuq minn 170 stat membru tagħha biex jitneħħew gradwalment l-emissjonijiet tal-gassijiet serra (GHG) mill-vapuri sal-2050.

L-OMI hija l-aġenzija speċjalizzata tal-Ġnus Magħquda bbażata f’Londra responsabbli għal tbaħħir sigur u effiċjenti, u l-prevenzjoni tat-tniġġis mill-vapuri. Il-mira ewlenija tal-2050 li ġiet introdotta fl-Istrateġija tal-IMO tal-2023 dwar it-Tnaqqis tal-Emissjonijiet tal-GHG, ġiet adottata mill-Kumitat għall-Ħarsien tal-Ambjent Marittimu tal-IMO. L-istrateġija msemmija fiha wkoll miri intermedji għat-tnaqqis tal-GHG mit-tbaħħir internazzjonali sal-2030 (20% - 30% tnaqqis) u l-2040 (70% - 80% tnaqqis). Barra minn hekk, tinkludi wkoll miri ta’ tnaqqis tal-intensità tal-karbonju kif ukoll mira li ta’ 5 %-10 % għall-użu ta’ fjuwils b’emissjonijiet ta’ GHG żero jew kważi żero sal-2030 u sorsi ta’ enerġija użati mit-tbaħħir internazzjonali.

L-Istrateġija tal-GHG tal-IMO turi kontinwazzjoni tal-ħidma mill-IMO, bħala r-regolatur globali tat-tbaħħir internazzjonali, biex tindirizza l-emissjonijiet tal-GHG mit-tbaħħir. L-Istrateġija 2023 hija reviżjoni tal-Istrateġija Inizjali dwar it-Tnaqqis tal-emissjonijiet tal-GHG mill-vapuri li ġiet adottata mill-IMO fl-2018.

Malta hija membru attiv ħafna tal-IMO u pparteċipat fin-negozjati ta’ ġimagħtejn fl-IMO, permezz ta’ uffiċjali mid-Direttorat tal-Bastimenti Merkantili fi ħdan Transport Malta. In-negozjati involvew diskussjonijiet sensittivi ħafna li finalment wasslu għall-adozzjoni b’kunsens għal din l-istrateġija. Malta, bħala ġurisdizzjoni marittima ewlenija, appoġġat l-adozzjoni innovattiva tal-istrateġija.

Il-Ministru għat-Trasport, l-Infrastruttura u l-Proġetti Kapitali Aaron Farrugia, bħala l-ministru responsabbli għall-affarijiet marittimi, laqa’ dan il-ftehim storiku u kkummenta li l-ftehim dwar l-istrateġija riveduta jirrappreżenta tragward ewlieni peress li jinkludi impenji konkreti li jwittu t-triq għad-dekarbonizzazzjoni tat-tbaħħir internazzjonali. Dan se jibgħat sinjali ċari lill-industrija tat-tbaħħir u lis-settur tal-enerġija biex jipprovdu ċertezza u jkunu jistgħu jiżguraw l-investimenti meħtieġa lill-produtturi biex jaċċelleraw il-produzzjoni ta’ fjuwils b’effett ta’ serra baxx u żero u sorsi ta’ enerġija għall-assorbiment globali. Dan huwa importanti ħafna għal Malta kemm bħala waħda mill-ġurisdizzjonijiet prominenti bħala reġistru iżda wkoll bħala stat gżira fil-Mediterran.”

Il-Ministru Farrugia temm jgħid li, “Anke jekk it-tbaħħir internazzjonali huwa settur diffiċli biex jiġi dekarbonizzat, dan il-ftehim juri rikonoxximent globali li t-tbaħħir lest jagħti s-sehem tiegħu fil-ġlieda kontra t-tibdil fil-klima. Issa l-limitu ġie stabbilit, iżda jeħtieġ li titkompla aktar ħidma fl-OMI sabiex jiġi żgurat li l-miri ambizzjużi stipulati fl-istrateġija jkunu fil-fatt implimentati permezz tal-adozzjoni futura ta’ miżuri li jippermettu din it-tranżizzjoni. L-istrateġija tipprevedi li l-impatti fuq l-istati għandhom jiġu vvalutati u kkunsidrati qabel l-adozzjoni ta’ tali miżuri. Aħna nibqgħu impenjati li nkomplu naħdmu b’mod attiv u f’djalogu mill-qrib mal-partijiet interessati kollha biex niżguraw l-implimentazzjoni effettiva tal-istrateġija adottata.”

STQARRIJA MILL-MINISTERU GĦAT-TRASPORT, L-INFRASTRUTTURA U L-PROĠETTI KAPITALI: Malta tilqa’ l-ftehim unanimu tal-IMO dwar it-tneħħija gradwali tal-emissjonijiet tal-GHG mill-vapuri
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow