Left arrow Mur Lura

STQARRIJA MILL-MINISTERU GĦAL GĦAWDEX: Jitnieda l-programm Summer in Gozo – diversi attivitajiet kulturali, artistiċi u mużikali għal dan is-sajf f’Għawdex

pr230947
Date Icon 19/06/2023

Il-Ministru għal Għawdex Clint Camilleri nieda l-programm Summer in Gozo li jinkludi kalendarju kulturali estensiv b'diversi attivitajiet għall-perjodu tas-sajf fil-gżira Għawdxija.

Għal sena oħra, id-Direttorat għall-Wirt Kulturali fi ħdan il-Ministeru għal Għawdex ħaseb biex itella' attivitajiet kulturali, artistiċi u mużikali matul il-ġranet kollha tas-sajf sabiex Għawdex jerġa' jkun l-għażla naturali ta' bosta Maltin u turisti.

“Permezz ta' dan il-kalendarju kulturali se jkollna tliet xhur b'diversi avvenimenti f'kull rokna tal-gżira. L-attivitajiet ivarjaw u żgur li se joffru divertiment għall-familja kollha," tenna l-Ministru Camilleri.

Żied jgħid li minn sena għall-oħra, il-Ministeru għal Għawdex jieħu ħsieb li joffri kullana ta' attivitajiet madwar Għawdex kollu kemm għar-residenti kif ukoll għal dawk kollha li jiġu jgawdu s-sbuħija naturali ta' Għawdex u b'hekk ikunu jistgħu wkoll jipparteċipaw fil-kultura u fit-tradizzjonijiet uniċi ta' din il-gżira.

Kull min hu interessat jara l-programm kollu ta' Summer in Gozo jista' jidħol fuq https://issuu.com/visitgozo/docs/summer_booklet_2023?fr=sNmE4NTk0OTE2

Għal aktar informazzjoni dwar l-attivitajiet f'Għawdex wieħed jista' jżur is-sit https://eventsingozo.com/

STQARRIJA MILL-MINISTERU GĦAL GĦAWDEX: Jitnieda l-programm Summer in Gozo – diversi attivitajiet kulturali, artistiċi u mużikali għal dan is-sajf f’Għawdex
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow