Left arrow Mur Lura

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg iżur it-Training Institute on Migration Capacity Partnership for the Mediterranean

PR230881
Date Icon 09/06/2023

Il-Ministru għall-Affarijiet Barranin u Ewropej u l-Kummerċ Ian Borg għamel żjara ta' kortesija lit-Training Institute on Migration Capacity Partnership for the Mediterranean (MCP Med TI).

Il-Ministru Borg ġie muri l-faċilitajiet li joffri l-Istitut tat-Taħriġ u ltaqa' mas-Sur Julien Simon, Kap tal-Uffiċċju Reġjonali għall-Mediterran taċ-Ċentru Internazzjonali għall-Iżvilupp tal-Politika tal-Migrazzjoni (ICMPD), is-Sur Adrian Cooper, il-Kap tal-Istitut, u l-ħaddiema tal-Istitut. Huma ddiskutew il-kisbiet ewlenin tal-Istitut tat-Taħriġ sal-lum kif ukoll il-viżjoni fit-tul tal-istess Istitut.

Il-Ministru Borg stqarr li Malta hi kburija li mexxiet din l-inizjattiva bħala promotur ta' sħubija ta' benefiċċju reċiproku u ta' bidla pożittiva fil-Mediterran flimkien mal-ICMPD u msieħba oħra. Bħalissa, f'dan l-istitut qed isiru aktar minn 20 kors li huma akkreditati mal-Malta Further & Higher Education Authority u li jsiru minn professjonisti speċjalizzati mill-istess reġjun fejn qed isir l-istess taħriġ. Il-Ministru Borg tenna l-appoġġ kontinwu ta' Malta għall-ICMPD, b'mod partikolari għall-Istitut tat-Taħriġ.

Is-Sur Simon irringrazzja lill-Ministru Borg għal din iż-żjara fejn seta' jara personalment il-ħidma li qed issir biex il-viżjoni komuni tal-ICMPD u Malta tiġi implimentata.

L-Istitut tat-Taħriġ huwa ffinanzjat minn Malta, id-Danimarka, l-Awstrija u l-Unjoni Ewropea u jinsab il-Furjana.

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg iżur it-Training Institute on Migration Capacity Partnership for the Mediterranean
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg iżur it-Training Institute on Migration Capacity Partnership for the Mediterranean
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg iżur it-Training Institute on Migration Capacity Partnership for the Mediterranean
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Il-Ministru Ian Borg iżur it-Training Institute on Migration Capacity Partnership for the Mediterranean
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow