AVVIŻ MID-DIRETTORAT GĦAS-SAĦĦA AMBJENTALI
Skont l-Att dwar is-Sigurtà fl-Ikel u r-Regolament tal-Parlament Ewropew u tal-Kunsill (KE) Nru. 178 tal-2002, id-Direttorat għas-Saħħa Ambjentali fi ħdan is-Sovrintendenza tas-Saħħa Pubblika jixtieq jinforma lill-pubbliku li wara informazzjoni li rċieva permezz tas-Sistema Rapida tal-Ikel u l-Għalf, l-imsemmi prodott m'għandux jiġi kkunsmat minħabba li fih livelli elevati ta' Polycyclic aromatic hydrocarbons (PAHs) u livelli ta' pestiċidi.
Polycyclic aromatic hydrocarbons (PAHs) huma komposti organiċi li jistgħu jiffurmaw minn proċessi industrijali fosthom l-ipproċessar tal-ikel (bħal tisħin, tnixxif u affumikar) kif ukoll bi proċessi bħal xiwi. Numru minn dawn il-komposti jistgħu jkunu ġenotossiċi u karċinoġeni għaldaqstant l-espożizzjoni għalihom għandha tkun baxxa kemm jista' jkun raġonevolment.
| Isem tal-prodott: | Ginger Powder |
| Dittà: | Khanum |
| Data tad-durabbilità` / lott: | 01/07/2024 u 31/07/2024 |
| Użin: | 100g |
| Oriġini: | Ċina |

Għal aktar informazzjoni, il-pubbliku jista' jċempel lis-Servizzi tal-Ispettorat tas-Saħħa fuq numru tat-telefon – 2133 7333 mit-8:00 ta' filgħodu sas-2:30 ta' waranofsinhar jew jibgħat email fuq admin.ehd@gov.mt . Il-pubbliku huwa ġentilment mitlub iżur il-paġna tad-Direttorat fuq Facebookhttps://www.facebook.com/EHDMalta jew is-sit uffiċjali fuq https://environmentalhealth.gov.mt għal informazzjoni simili.
Other Press Releases:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en