Left arrow Mur Lura

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Id-djalogu u l-kooperazzjoni kontinwi mal-pajjiżi fil-Qarn tal-Afrika jibqgħu kruċjali – il-Ministru Ian Borg

pr230761
Date Icon 22/05/2023

Il-ministri tal-affarijiet barranin tal-Unjoni Ewropea ltaqgħu fi Brussell għal-laqgħa tal-Kunsill tal-Affarijiet Barranin, li ffukat fuq l-aggressjoni tar-Russja kontra l-Ukrajna, il-Qarn tal-Afrika, il-Balkani tal-Punent, u kwistjonijiet kurrenti oħra, primarjament is-sitwazzjoni politika li għaddejja fit-Tuneżija.

Il-Ministru għall-Affarijiet Barranin u Ewropej Dr Ian Borg aġġorna lill-kontropartijiet tiegħu dwar iż-żjara riċenti tiegħu fl-Etjopja fid-dawl tal-instabilità reġjonali, notevolment l-ostilitajiet li għaddejjin fis-Sudan. Huwa enfasizza li l-UE u l-Etjopja jaqsmu viżjoni komuni tar-reġjun u ħeġġeġ lill-Unjoni Ewropea u lill-istati membri l-oħra biex jimmobilizzaw aktar appoġġ għall-Etjopja biex jissalvagwardjaw il-progress li sar u tissaħħaħ is-sħubija tal-UE mar-reġjun. Il-Ministru Borg innota wkoll li l-Etjopja tfittex li ssaħħaħ ir-rwol tagħha bħala protagonista reġjonali fil-Qarn tal-Afrika, iżda rwol bħal dan jeħtieġ appoġġ qawwi mill-UE. Il-Ministru Borg enfasizza l-importanza li ssir il-laqgħa UE-UA din is-sena sabiex jitfasslu strateġiji komuni mal-Unjoni Afrikana biex tiġi indirizzata l-instabilità li għaddejja fir-reġjun, li se jkollha effett mifrux fuq ir-reġjun tal-Mediterran.

Dwar l-aggressjoni tar-Russja kontra l-Ukrajna, Malta tibqa' impenjata li tappoġġa lill-Ukrajna biex teżerċita d-dritt fundamentali tagħha li tiddefendi lilha nnifisha u lill-poplu tagħha sakemm ikun meħtieġ kontra l-gwerra ta' aggressjoni. Malta laqgħet l-estensjoni tal-Inizjattiva tal-Black Sea Grain peress li din hija kritika għas-sigurtà tal-ikel madwar id-dinja. Malta ngħaqdet mal-grupp ewlieni dwar ir-responsabbiltà u bħala parti integrali mill-proċess qed tappoġġa soluzzjoni mal-ICC. Dwar il-provvista ta' għajnuna militari lill-Ukrajna, Malta se terġa' tidderieġi l-kontribuzzjoni volontarja tagħha biex tipprovdi assistenza mhux letali.

Il-Ministri tal-Affarijiet Barranin iddiskutew ukoll is-sitwazzjoni ekonomika u politika li għaddejja fit-Tuneżija. Il-Ministru Borg ħeġġeġ lill-UE biex tintensifika l-impenn tagħha mat-Tuneżija u l-IMF biex issolvi l-impass li għadu għaddej dwar l-assistenza tal-FMI. Dr Borg saħaq fuq l-importanza li l-UE tibqa' msieħba affidabbli għat-Tuneżija u tassisti lit-Tuneżija fit-trasformazzjoni tal-isfidi attwali tagħha f'opportunitajiet billi tkompli l-investiment kummerċjali bejn iż-żewġ naħat. Il-potenzjal enormi tat-Tuneżija għall-investiment għandu jiġi sfruttat, partikolarment fis-settur tal-enerġija, li jista' jkun ta' benefiċċju reċiproku. Il-Ministru Borg irrimarka wkoll li l-migrazzjoni hija fattur kritiku biex tiġi indirizzata l-istabbiltà fl-Afrika ta' Fuq, u li jiġu ndirizzati l-kawżiet fundamentali tal-migrazzjoni jibqa' essenzjali. Il-Ministri kellhom ukoll laqgħa mal-Ministri tal-Affarijiet Barranin tas-6 imsieħba tal-Balkani tal-Punent.

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Id-djalogu u l-kooperazzjoni kontinwi mal-pajjiżi fil-Qarn tal-Afrika jibqgħu kruċjali – il-Ministru Ian Borg
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Id-djalogu u l-kooperazzjoni kontinwi mal-pajjiżi fil-Qarn tal-Afrika jibqgħu kruċjali – il-Ministru Ian Borg
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Id-djalogu u l-kooperazzjoni kontinwi mal-pajjiżi fil-Qarn tal-Afrika jibqgħu kruċjali – il-Ministru Ian Borg
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ Id-djalogu u l-kooperazzjoni kontinwi mal-pajjiżi fil-Qarn tal-Afrika jibqgħu kruċjali – il-Ministru Ian Borg
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow