Left arrow Go Back

STQARRIJA MIS-SEGRETARJAT PARLAMENTARI GĦAR-RIFORMI U L-UGWALJANZA Malta se tkun qed tintervjeni fil-każ tal-Kummissjoni Ewropea dwar liġi li tmur kontra d-drittijiet LGBTIQ+

pr230427
Date Icon 22/03/2023

Malta se tkun qed tintervjeni fil-kawża li l-Kummissjoni Ewropea fetħet dwar liġi ta’ propaganda li daħlet fis-seħħ fl-Ungerija kontra d-drittijiet fundamentali ta’ persuni LGBTIQ+.

Il-każ li jinsab quddiem il-Qorti tal-Ġustizzja tal-Unjoni Ewropea jikkonċerna l-liġi li ġiet introdotta fl-Ungerija li tipprojbixxi l-wiri ta’ persuni ta’ identità LGBTIQ+. L-emendi jimponu diversi projbizzjonijiet u restrizzjonijiet fir-rigward tal-promozzjoni jew ir-rappreżentazzjoni ta’ identitajiet tal-ġeneri li ma jikkorrispondux mas-sess assenjat mat-twelid, assenjazzjoni mill-ġdid tas-sess jew l-omosesswalità.

Il-Kummissjoni Ewropea tikkunsidra li d-dispożizzjonijiet ta’ din il-liġi jiksru d-dinjità tal-bniedem, il-libertà tal-espressjoni u l-informazzjoni, id-dritt għar-rispett ta’ ħajja privata kif ukoll id-dritt li ħadd m’għandu jkun diskriminat hekk kif inhu minqux fil-Karta tal-Unjoni Ewropea tad-Drittijiet Fundamentali. Huwa kkunsidrat ukoll li din il-liġi tikser il-valuri komuni tagħna bħala membri tal-Unjoni Ewropea.

Minħabba l-irwol ta’ Malta bħala l-pajjiż bl-aktar liġijiet u politika favur l-ugwaljanza LGBTIQ+ u li għal seba’ snin konsekuttivi Malta baqgħet fil-quċċata tar-Rainbow Map tal-ILGA-Europe, ittieħdet id-deċiżjoni li Malta tingħaqad ma’ stati membri oħra tal-Unjoni Ewropea biex tappoġġa l-pożizzjoni tal-Kummissjoni Ewropea f’dan il-każ. Din id-deċiżjoni ttieħdet ukoll fid-dawl tad-dikjarazzjoni IDAHOT li għamlet Malta fl-2021 fejn tenniet l-appoġġ tagħha għal passi legali li jieħdu istituzzjonijiet Ewropej fl-impenn tagħhom biex jipproteġu d-drittijiet tal-bniedem. 

“Malta għandha fost l-aktar liġijiet u politika progressiva u inklussiva, li jipproteġu d-drittijiet ta’ individwi LGBTIQ+, li jservu ta’ eżempju u ta’ ispirazzjoni għal kif pajjiżi oħra jistgħu jaħdmu biex ma jħallu lil ħadd jaqa’ lura. Dan il-progress se jiġi ċċelebrat f’Settembru hekk kif Malta se tkun qed tospita l-Europride li se sservi bħala okkażjoni biex intennu l-impenn tagħna lejn aktar ugwaljanza”, qalet is-Segretarju Parlamentari Rebecca Buttigieg.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow