Left arrow Go Back

STQARRIJA MILL-MINISTERU GĦALL-EKONOMIJA, IL-FONDI EWROPEJ U L-ARTIJIET Se jitwettqu 11-il proġett mill-Istrument ta’ Appoġġ Tekniku

pr230425
Date Icon 22/03/2023

Malta se twettaq 11-il proġett taħt it-tielet sejħa tal-Istrument ta’ Appoġġ Tekniku (TSI). Minn dan il-programm pajjiżna se jingħata għajnuna sabiex jimplimenta proġetti relatati mar-riformi fil-policies u mal-amministrazzjoni pubblika.

Dawn jinkludu 8 proġetti li se jitwettqu direttament mill-Gvern Malti u 3 proġetti li se jitwettqu bi sħubija mal-awtoritajiet Maltin u ma’ stati membri oħra tal-Unjoni Ewropea biex jindirizzaw prijoritajiet u bżonnijiet komuni.

L-Istrument ta’ Appoġġ Tekniku (TSI) huwa l-programm tal-UE li jipprovdi għarfien espert tekniku mfassal apposta għall-istati membri tal-UE biex ifasslu u jimplimentaw ir-riformi. L-appoġġ huwa mmexxi mid-domanda u ma jeħtieġx kofinanzjament mill-istati membri. Din l-inizjattiva tal-UE hija pilastru importanti biex tgħin lill-istati membri jtaffu l-konsegwenzi ekonomiċi u soċjali tal-pandemija tal-COVID-19.

Fost il-proġetti approvati hemm it-tisħiħ tal-konformità tat-taxxa; l-iżvilupp ta' strateġija nazzjonali għal akwakultura sostenibbli; u l-implimentazzjoni ta’ pjan ta’ azzjoni ta’ riorganizzazzjoni tas-settur ġudizzjarju.

Il-Ministru għall-Ekonomija, il-Fondi Ewropej u l-Artijiet, Silvio Schembri, qal li l-fondi Ewropej qed jgħinuna finanzjarjament fuq għadd ta’ proġetti umanitarji, infrastrutturali, soċjali u ekonomiċi. Kompla li din l-għajnuna teknika f’dawn il-proġetti se tkun qed tgħin biex jitwettqu aktar policies fejn hemm bżonn.

“Mill-2020, minn meta faqqgħet il-pandemija, xi ftit jew wisq ħajjitna nbidlet. Għaldaqstant, permezz ta’ dawn il-proġetti qed inħarsu lejn oqsma li għadhom qed iħossu l-effett tal-pandemija aktar minn oħrajn u ngħinu fl-irkupru tagħhom,” qal il-Ministru Silvio Schembri.

Is-Segretarju Parlamentari għall-Fondi Ewropej Chris Bonett qal li l-gvern huwa kommess li jwettaq dawn il-proġetti bil-għan li jsaħħu l-amministrazzjoni pubblika, fost l-oħrajn.

“L-istrument ta’ appoġġ tekniku se jkompli jgħin lill-pajjiżna u lill-istati membri jirkupraw mill-effetti soċjali u ekonomiċi tal-pandemija, ninvestu sabiex is-servizzi pubbliċi jkunu ta’ kwalità aħjar u biex it-tkabbir ekonomiku jkun sostenibbli,” qal Dr Bonett.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow