Left arrow Go Back

STQARRIJA MILL-MINISTERU GĦAL-AGRIKOLTURA, IS-SAJD U D-DRITTIJIET TAL-ANNIMALI Malta kommessa li tibqa’ tgħin lill-bdiewa, raħħala u sajjieda

pr230417
Date Icon 21/03/2023

Il-Ministru għall-Agrikoltura, is-Sajd u d-Drittijiet tal-Annimali Anton Refalo attenda għal-laqgħa tal-Kunsill tal-AgriFish fi Brussell. Flimkien ma' ministri oħra Ewropej responsabbli mill-oqsma tal-agrikoltura u s-sajd, ġew diskussi bosta suġġetti importanti, fosthom il-pakkett li jipprovdi l-miri ewlenin għall-futur tas-setturi tas-sajd u l-akkwakultura, ftehimiet u negozjati kummerċjali ma' pajjiżi terzi, u anke s-sitwazzjoni tas-swieq internazzjonali u l-impatt tal-effetti klimatiċi.

Fl-intervent tiegħu dwar il-pakkett għall-futur tas-sajd, filwaqt li rrikonoxxa l-bżonn ta' miżuri ambjentali, il-Ministru Refalo tenna l-bżonn li jkun issalvagwardjat il-futur tas-setturi tas-sajd u l-akkwakultura. Huwa enfasizza l-fatt li l-approċċ “wieħed tajjeb għal kulħadd" mhuwiex ideali, speċjalment għaliex il-maġġoranza tas-settur tas-sajd tal-UE huwa magħmul minn flotta tas-sajd fuq skala żgħira. Il-ministru għamel referenza wkoll għall-isfruttar tar-riżorsi tal-Baħar Mediterran minn pajjiżi terzi li mhumiex impenjati bl-istess mod daqs pajjiżi Ewropej, li jpoġġu lis-sajjieda Maltin fi żvantaġġ.

Waqt il-laqgħa ġew diskussi wkoll l-effetti li ħalliet u għadha qed tħalli l-gwerra fl-Ukrajna. Dwar dan, il-Ministru Refalo tenna li l-awtoritajiet Maltin ħarġu diversi skemi biex jassistu lis-settur agrikolu u tas-sajd u tenna li l-Gvern kommess li jkompli jistabbilizza s-sitwazzjoni. “Nemmnu li l-Pjan Strateġiku se jkompli jgħin is-sitwazzjoni b'diversi miżuri u skemi. Iżda bħala strateġija fit-tul nemmnu li l-UE jeħtieġ li tieħu miżuri li jsaħħu l-awtonomija strateġika tagħha. Dan sabiex tissaħħaħ is-sigurtà tal-ikel fi ħdan l-UE filwaqt li tonqos id-dipendenza tagħna fuq pajjiżi terzi għall-provisti bħall-enerġija, il-fertilizzanti u l-magħlef," qal il-Ministru Refalo.

Il-Ministru Refalo temm l-intervent tiegħu billi qal li “Malta se tkompli ssegwi l-andament tas-swieq agrikoli filwaqt li nibqgħu kommessi li nisimgħu u nwasslu d-diffikultajiet tal-produtturi tagħna. Dan speċjalment wara li fl-aħħar xhur, permezz ta' tibdil leġislattiv, saret riforma biex tissaħħaħ il-fora nazzjonali għall-agrikoltura bl-iskop li nsaħħu d-djalogu, il-governanza u r-rappreżentanza tas-setturi agrikoli kollha."

STQARRIJA MILL-MINISTERU GĦAL-AGRIKOLTURA, IS-SAJD U D-DRITTIJIET TAL-ANNIMALI Malta kommessa li tibqa’ tgħin lill-bdiewa, raħħala u sajjieda
STQARRIJA MILL-MINISTERU GĦAL-AGRIKOLTURA, IS-SAJD U D-DRITTIJIET TAL-ANNIMALI Malta kommessa li tibqa’ tgħin lill-bdiewa, raħħala u sajjieda
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow