Left arrow Go Back

STQARRIJA MILL-MINISTERU GĦALL-AMBJENT, L-ENERĠIJA U L-INTRAPRIŻA Inwettqu Flimkien: Mijiet ta’ familji jattendu Wirt in-Natura, din id-darba fil-Park tas-Salina

PR230406
Date Icon 20/03/2023

Edizzjoni oħra ta' Wirt in-Natura ntemmet b'suċċess hekk kif mijiet ta' familji attendew għal din l-attività matul il-jum tal-Ħadd, din id-darba mtellgħa fil-Park Nazzjonali tas-Salina, f'San Pawl il-Baħar.

Wirt in-Natura, attività li tiċċelebra l-ambjent naturali, saret sinonima ma' bosta familji u żgħażagħ. B'edizzjoni wara l-oħra, l-attività tħeġġeġ lill-pubbliku jżur postijiet differenti hekk kif Wirt in-Natura tittella' f'parks u fi spazji miftuħa differenti madwar il-pajjiż, b'attivitajiet għall-kbar u għat-tfal.

L-attività ttellgħet mill-Ministeru għall-Ambjent (MEEE) flimkien mal-aġenzija Project Green, b'kollaborazzjoni ma' Ambjent Malta, Circular Economy Malta, ERA, l-Aġenzija għall-Enerġija u l-Ilma u Wasteserv. Flimkien organizzaw ġurnata mimlija attivitajiet divertenti relatati mal-ambjent naturali, is-sostenibbiltà u t-tibdil fil-klima, fost oħrajn. Permezz tal-arti, it-tfal tħeġġew ipinġu l-park ideali tagħhom filwaqt li saru jafu aktar dwar is-siġar indiġeni li għandna fil-parks.

Il-kantanta popolari Ira Losco tat prestazzjoni mill-aqwa b'kunċert ta' siegħa.

“Wirt in-Natura saret sinonima mal-Maltin. Huwa ta' sodisfazzjon għalija li f'edizzjoni wara l-oħra naraw aktar nies jattendu għax ifisser li qed nilħqu l-għan tagħna: dak li nkattru l-għarfien dwar l-ispazji li diġà għandna u kif ingawduhom mingħajr ma nagħmlu ħsara," qalet il-Ministru għall-Ambjent Miriam Dalli. “Kif wegħdna, l-attivitajiet ta' Wirt in-Natura se jibqgħu jiġu organizzati regolarment biex flimkien ngawdu l-ispazji miftuħa u n-nies igawdu x-xogħol siewi li qed isir."

Min-naħa tiegħu, il-Kap Eżekuttiv ta' Project Green Steve Ellul tkellem dwar l-importanza li nagħtu aktar ħajja lill-parks b'attivitajiet li jkunu interattivi u li jqajmu aktar kuxjenza dwar l-ambjent. Huwa qal li avveniment bħal Wirt in-Natura u oħrajn simili huma importanti għax jagħtu l-opportunità lit-tfal u liż-żgħażagħ biex igawdu spazji miftuħa differenti u jibdlu l-ambjent li s-soltu jkunu fih.

Wirt in-Natura hija attività b'entratura b'xejn.

STQARRIJA MILL-MINISTERU GĦALL-AMBJENT, L-ENERĠIJA U L-INTRAPRIŻA Inwettqu Flimkien: Mijiet ta’ familji jattendu Wirt in-Natura, din id-darba fil-Park tas-Salina
STQARRIJA MILL-MINISTERU GĦALL-AMBJENT, L-ENERĠIJA U L-INTRAPRIŻA Inwettqu Flimkien: Mijiet ta’ familji jattendu Wirt in-Natura, din id-darba fil-Park tas-Salina
STQARRIJA MILL-MINISTERU GĦALL-AMBJENT, L-ENERĠIJA U L-INTRAPRIŻA Inwettqu Flimkien: Mijiet ta’ familji jattendu Wirt in-Natura, din id-darba fil-Park tas-Salina
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow