Left arrow Mur Lura

STQARRIJA MILL-UFFIĊĊJU TAL-PRIM MINISTRU Il-Prim Ministru jiltaqa’ mal-bdiewa

pr230373
Date Icon 10/03/2023

Fiż-żona tal-Fiddien fir-Rabat, il-Prim Ministru Robert Abela ltaqa' ma' numru ta' bdiewa li minn kmieni filgħodu kienu qed jaħdmu r-raba' tagħhom. 

Il-Prim Ministru tkellem dwar kif meta tinżel man-nies fuq il-post tax-xogħol tifhem il-ħtiġijiet tagħhom u anke x'bidliet għandhom jiġu implimentati biex il-kundizzjonijiet tagħhom jissaħħu. 

F'dan il-kuntest, il-Prim Ministru nnota wkoll kif l-għajnuna finanzjarja li offra l-Gvern matul is-snin qed tkun ta' sostenn prattiku għall-bdiewa. Dan fost riformi oħra fis-settur, li saru fl-ewwel sena ta' din il-leġiżlatura, fosthom ir-riforma fil-liġijiet tal-qbiela. 

Wiġi Sant, bidwi b'iżjed minn 50 sena esperjenza, kien akkumpanjat mill-familja tiegħu u ta spjega dettaljata tax-xogħol li jagħmlu ta' kuljum. Huwa sostna li l-għajnuna li qed tingħata mill-Gvern lill-bdiewa hija ta' importanza kbira, filwaqt li rrikonoxxa li anke fi sfond ta' pandemija u ta' sfidi internazzjonali minħabba l-gwerra fl-Ukrajna, il-Gvern baqa' jinvesti f'dan is-settur. 

Preżenti għaż-żjara kien hemm il-Ministru għall-Agrikoltura, is-Sajd u d-Drittijiet tal-Annimali Anton Refalo.

STQARRIJA MILL-UFFIĊĊJU TAL-PRIM MINISTRU Il-Prim Ministru jiltaqa’ mal-bdiewa
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

Aktar Stqarrijiet Right arrow