Left arrow Mur Lura

STQARRIJA MILL-MINISTERU GĦALL-EKONOMIJA, IL-FONDI EWROPEJ U L-ARTIJIET: Għotja sa massimu ta’ €250,000 fi kreditu tat-taxxa f’sena għal min jinvesti fi start-ups

pr230357
Date Icon 08/03/2023

Investituri jistgħu jingħataw għotja sa massimu ta' €250,000 kreditu tat-taxxa meta jinvestu fi proġetti ta' start-ups lokali. Dan ħabbru l-Ministru għall-Ekonomija, il-Fondi Ewropej u l-Artijiet Silvio Schembri, hekk kif nieda s-Seed Investment Scheme.

Il-Ministru Schembri spjega kif ħafna ideat ta' start-ups qatt ma jieħdu l-ħajja minħabba nuqqas ta' investiment u għalhekk din l-iskema se tkun qed tgħaqqad dawn iż-żewġ elementi flimkien. “Se nkunu qegħdin niffukkaw fuq start-ups innovattivi, b'teknoloġiji ġodda u diġitalizzazzjoni, biex b'hekk ngħaqqdu wkoll mal-prinċipju ewlieni fl-istrateġiji Malta Diġitali li nedejna f'Novembru, dik li naraw aktar tkabbir fejn tidħol ekonomija diġitali," qal il-Ministru Schembri.

Il-ministru spjega li permezz ta' din l-iskema se jkunu wkoll qed jgħinu lill-investituri biex jinvestu fi proġetti differenti u li jista' jkun li jmorru lil hinn minn xiex jinvestu normalment. “B'hekk nibqgħu niżguraw li jkollna ekonomija diversifikata. Din ir-reżiljenza fl-ekonomija tagħna kienet kruċjali biex għelibna żminijiet ekonomikament diffiċli bħal ma kienet il-Covid, fejn kellek industriji li kienu qed ibatu, kellek oħrajn li kienu sejrin aktar tajjeb u din it-taħlita żammet l-ekonomija tagħna ħajja," qal il-Ministru Schembri.

Il-Kap Eżekuttiv tal-MIMCOL Dr Jean Pierre Attard spjega li biex kumpanija tkun eliġibbli bħala start-up, trid tkun kumpanija tad-daqs żgħir jew medju inkorporata f'Malta, tkun ilha attiva tliet snin, ma tkunx imniżżla fil-Borża, tħaddem inqas minn 10 persuni u jkollha inqas minn €250,000 f'assi.

Din l-iskema se tkun miftuħa għal sentejn u se titħaddem mill-MIMCOL. Aktar informazzjoni tista' tinkiseb minn seedinvestment.com.mt.

STQARRIJA MILL-MINISTERU GĦALL-EKONOMIJA, IL-FONDI EWROPEJ U L-ARTIJIET: Għotja sa massimu ta’ €250,000 fi kreditu tat-taxxa f’sena għal min jinvesti fi start-ups
STQARRIJA MILL-MINISTERU GĦALL-EKONOMIJA, IL-FONDI EWROPEJ U L-ARTIJIET: Għotja sa massimu ta’ €250,000 fi kreditu tat-taxxa f’sena għal min jinvesti fi start-ups
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow