Left arrow Go Back

​ STQARRIJA MILL-MINISTERU GĦALL-INKLUŻJONI, IL-VOLONTARJAT U D-DRITTIJIET TAL-KONSUMATUR Investiment biex tissaħħaħ is-sigurtà fil-binjiet ta’ Aġenzija Sapport

pr230356
Date Icon 08/03/2023

Waqt żjara fiċ-Ċentru ta’ Matul il-Jum għall-persuni b’diżabilità f’Raħal Ġdid, il-Ministru għall-Inklużjoni, il-Volontarjat u d-Drittijiet tal-Konsumatur Julia Farrugia Portelli ħabbret li madwar 100 kamera tas-sigurtà se jiġu installati f’seba’ residenzi u seba’ ċentri ta’ matul il-jum.

Dan il-proġett, li qed isir b’investiment ta’ €75,000, se jkompli jsaħħaħ il-mezzi ta’ sigurtà fil-binjiet diversi ta’ Aġenzija Sapport għall-benefiċċju tal-klijenti, l-impjegati u l-viżitaturi.

Waqt iż-żjara, ġie spjegat li fiċ-Ċentru ta’ Raħal Ġdid, Aġenzija Sapport bħalissa qed tospita xejn inqas minn 52 persuna b’diżabilità. Dan iċ-ċentru jorganizza diversi attivitajiet maħsuba biex jgħinu u jnisslu sens akbar ta’ inklużjoni u ħarsien, kif ukoll fil-kisba ta’ għajxien indipendenti fil-komunità. L-attivitajiet jinkludu ħarġiet fil-komunità; sessjonijiet dwar l-użu tal-kompjuter u sessjonijiet edukattivi; sessjonijiet tal-MATP (Motor Activity Training Programme); logħob tal-boċċi; u programmi ta’ għajxien indipendenti; fost oħrajn.

Il-Ministru Farrugia Portelli, fl-okkażjoni ta’ Jum il-Mara, għamlet referenza wkoll għat-tema ta’ din is-sena ‘DigitALL: Innovation and technology for gender equality’. Hija tenniet li Aġenzija Sapport se tkompli tinvesti fil-provvista ta’ faċilitajiet teknoloġiċi moderni u aċċessibbli li jtejbu l-kwalità tal-ħajja u jkattru l-għajxien indipendenti għal persuni b’diżabilità. Il-ministru rringrazzjat lill-ħaddiema kollha fi ħdan l-Aġenzija Sapport li timpjega magħha 630 ħaddiem li 75% minnhom, jiġifieri 476 impjegat, huma nisa. 

Il-Kap Eżekuttiv tal-Aġenzija Sapport Oliver Scicluna għamel referenza għall-importanza ta’ inklużjoni sħiħa ta’ persuni b’diżabilità, f’kull aspett tas-soċjetà. Huwa tenna li l-programmi tal-aġenzija huma mħejjija bil-għan li persuni b’diżabilità jilħqu l-potenzjal tagħhom u jakkwistaw ħiliet ġodda. “Żjarat bħal dawn iqajmu aktar kuxjenza dwar il-ħiliet u l-potenzjal tal-klijenti u jkunu ta’ eżempju u inkoraġġiment għal nies oħra b’diżabilità waqt li juru l-ħidma siewja u dedikata tal-impjegati li jmexxu dawn il-programmi personalizzati,” tenna s-Sur Scicluna.

​ STQARRIJA MILL-MINISTERU GĦALL-INKLUŻJONI, IL-VOLONTARJAT U D-DRITTIJIET TAL-KONSUMATUR Investiment biex tissaħħaħ is-sigurtà fil-binjiet ta’ Aġenzija Sapport
​ STQARRIJA MILL-MINISTERU GĦALL-INKLUŻJONI, IL-VOLONTARJAT U D-DRITTIJIET TAL-KONSUMATUR Investiment biex tissaħħaħ is-sigurtà fil-binjiet ta’ Aġenzija Sapport
​ STQARRIJA MILL-MINISTERU GĦALL-INKLUŻJONI, IL-VOLONTARJAT U D-DRITTIJIET TAL-KONSUMATUR Investiment biex tissaħħaħ is-sigurtà fil-binjiet ta’ Aġenzija Sapport
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow