Left arrow Mur Lura

STQARRIJA MILL-UFFIĊĊJU TAL-PRESIDENT Il-President Vella jżur iċ-Ċentru ta’ Taħriġ tal-Forzi tad-Difiża f’Curragh

pr230329
Date Icon 03/03/2023

Fl-aħħar jum taż-Żjara Statali fl-Irlanda, il-President Vella żar l-Iskola tal-Kadetti tal-Forzi tad-Difiża Irlandiżi f'Curragh Camp, fejn iltaqa' ma' tliet uffiċjali kadetti Maltin li bħalissa qegħdin jagħmlu taħriġ tal-kadetti mal-Forzi tad-Difiża Irlandiżi. It-Tieni Logutenent Brandon Spiteri u t-Tieni Logutenent Cain Vella ser jiġu kkummissjonati mill-Klassi 98thCadet fl-aħħar ta' Marzu 2023, filwaqt li l-Uffiċjal Kadett Ismael Camilleri għandu jlesti l-Kors 99thCadet fl-aħħar ta' Marzu 2024.

Il-kollaborazzjoni tal-Forzi Armati ta' Malta (AFM) mal-Forzi tad-Difiża Irlandiżi (IDF) bdiet fl-2009. B'kollox, 68 Uffiċjal Kadett tal-AFM iggradwaw mill-Akkademji Militari u Navali tal-IDF fl-Irlanda. Il-President Vella nnota r-rabtiet b'saħħithom bejn il-Forzi tad-Difiża Irlandiżi u l-Forzi Armati ta' Malta, li jinkludu wkoll l-iskjerament ta' persunal tal-AFM għall-operazzjoni tan-Nazzjonijiet Magħquda ta' żamma tal-paċi fil-Libanu (UNIFIL) bħala parti mill-Battaljun IRISHPOL.

Akkumpanjat mill-Ministru għall-Inklużjoni, il-Volontarjat u d-Drittijiet tal-Konsumatur Julia Farrugia Portelli, il-President Vella kellu laqgħa mad-Deputat Prim Ministru tal-Irlanda, il-Ministru għall-Affarijiet Barranin u Ministru għad-Difiża Micheál Martin. Id-diskussjoni ffokat fuq il-gwerra fl-Ukrajna, il-ftehim riċenti bejn l-UE u r-Renju Unit dwar il-Protokoll dwar l-Irlanda ta' Fuq, il-fiduċja kondiviża fil-multilateraliżmu, il-migrazzjoni, it-tibdil fil-klima, u l-prijoritajiet taż-żewġ pajjiżi fil-Kunsill tas-Sigurtà tan-Nazzjonijiet Magħquda. Il-President Vella rringrazzja lill-Irlanda għall-għarfien u l-esperjenzi li qasmet ma' Malta qabel bdiet it-terminu tagħha, peress li l-Irlanda kienet membru mhux permanenti qabel Malta.

L-impenji f'Dublin inkludew ukoll żjara lil EPIC, The Irish Emigration Museum, fejn il-President Vella ngħata ħarsa ġenerali tal-istorja tal-emigrazzjoni fl-Irlanda u l-impatt li kellhom l-emigranti Irlandiżi fuq id-dinja, u żjara lil Ordnance Survey Ireland (OSI) – l-entità responsabbli mill-kartografija tal-gżira kollha tal-Irlanda.

STQARRIJA MILL-UFFIĊĊJU TAL-PRESIDENT Il-President Vella jżur iċ-Ċentru ta’ Taħriġ tal-Forzi tad-Difiża f’Curragh
STQARRIJA MILL-UFFIĊĊJU TAL-PRESIDENT Il-President Vella jżur iċ-Ċentru ta’ Taħriġ tal-Forzi tad-Difiża f’Curragh
STQARRIJA MILL-UFFIĊĊJU TAL-PRESIDENT Il-President Vella jżur iċ-Ċentru ta’ Taħriġ tal-Forzi tad-Difiża f’Curragh
STQARRIJA MILL-UFFIĊĊJU TAL-PRESIDENT Il-President Vella jżur iċ-Ċentru ta’ Taħriġ tal-Forzi tad-Difiża f’Curragh
STQARRIJA MILL-UFFIĊĊJU TAL-PRESIDENT Il-President Vella jżur iċ-Ċentru ta’ Taħriġ tal-Forzi tad-Difiża f’Curragh
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow