Left arrow Mur Lura

STQARRIJA MILL-MINISTERU GĦALL-ANZJANITÀ ATTIVA U MIS-SEGRETARJAT PARLAMENTARI GĦALL-GVERN LOKALI Iffirmat ftehim favur il-proġett ta’ School Grannies fix-Xewkija, Għawdex

PR230327
Date Icon 03/03/2023

Tfal u anzjani mix-Xewkija Għawdex issa jistgħu jgawdu mill-proġett ta' School Grannies li twaqqaf lura fl-2021. Dan grazzi għall-ftehim li ġie ffirmat bejn l-Anzjanità Attiva u Kura fil-Komunità u l-Kunsill Lokali tax-Xewkija. B'hekk tfal fix-Xewkija issa se jkollhom persuni anzjani jassistuhom huma u deħlin u ħerġin mill-iskola primarja.

Għall-iffirmar tal-ftehim attendew il-Ministru għall-Anzjanità Attiva Jo Etienne Abela flimkien mas-Segretarju Parlamentari għall-Gvern Lokali Alison Zerafa Civelli, fejn ġie spjegat kif diġà nħarġet espressjoni ta' interess biex persuni li għandhom 'il fuq minn 60 sena juru l-interess tagħhom li jkunu School Grannies ħdejn l-iskola primarja tax-Xewkija. Fil-fatt, kien hemm tliet anzjani li wrew l-interess li jidħlu għal dan il-proġett, u għalhekk ingħatalhom taħriġ dwar ir-rwol tagħhom bħala School Grannies qabel ma bdew f'dan l-inkarigu.

Il-lokalitajiet kollha f'Malta u Għawdex ġew imħeġġa biex isegwu iż-żewġ lokalitajiet li diġà qed iħaddmu l-idea ta' School Grannies sabiex issa dan il-proġett jitwettaq fuq bażi nazzjonali. Din l-inizjattiva twaqqfet biex jiġu mħeġġa persuni ikbar fl-età li rtiraw mix-xogħol jew li issa naqsulhom ir-responsabbiltajiet familjari, biex jibqgħu attivi fil-komunità u kif ukoll biex tiġi mħeġġa interazzjoni bejn il-ġenerazzjonijiet.

L-irwol ta' School Grannies jitlob li l-persuni b'din ir-responsabbiltà jkunu ħdejn l-iskola biex jilqgħu lit-tfal waqt li deħlin u ħerġin mill-iskola skont skeda ppreparata mill-Kunsill Lokali. Huma jassistu wkoll lit-tfal fit-trasport ipprovdut ukoll mill-Kunsill Lokali billi jkunu magħhom fil-vann. B'kollaborazzjoni mal-pulizija, huma jgħinu wkoll biex iwaqqfu u/jew jidderieġu t-traffiku u jgħinu lit-tfal biex jaqsmu t-triq.

Il-Ministru Jo Etienne Abela esprima s-sodisfazzjon tiegħu għal dan il-ftehim li jkompli jassigura li l-anzjani f'pajjiżna jkunu attivi fil-komunitajiet. Huwa qal ukoll li l-mudell li bbenifika minnu l-Kunsill ta' Bormla huwa mudell tajjeb u għaldaqstant tali inizjattivi għandhom jitwessgħu f'kull lokalità f'pajjiżna. “Fl-istrateġija tagħna għas-sebgħa snin li ġejjin, qed nisħqu fuq il-prinċipju ta' aktar interazzjoni interġenerazzjonali, dan filwaqt li nibqgħu kommessi li l-kunċett ta' etaiżmu jispiċċa," temm jgħid il-Ministru Abela.

Min-naħa tagħha, is-Segretarju Parlamentari Alison Zerafa Civelli tenniet: “Huwa ta' sodisfazzjon li nara li dan il-proġett qed ikun imħeġġeġ li jinfirex fuq bażi nazzjonali hekk kif l-ewwel school grannies bdew bħala proġett pilota fl-2021 fil-lokalità ta' Bormla. Nemmen bi sħiħ fl-importanza tal-attività interġenerazzjonali fil-qalba tal-komunitajiet tagħna u għaldaqstant inħares 'l quddiem sabiex naraw aktar kunsilli lokali madwar Malta u Għawdex li jimplimentaw dan il-proġett fil-lokalitajiet tagħhom sabiex igawdu minnu r-residenti tagħhom."

STQARRIJA MILL-MINISTERU GĦALL-ANZJANITÀ ATTIVA U MIS-SEGRETARJAT PARLAMENTARI GĦALL-GVERN LOKALI Iffirmat ftehim favur il-proġett ta’ School Grannies fix-Xewkija, Għawdex
STQARRIJA MILL-MINISTERU GĦALL-ANZJANITÀ ATTIVA U MIS-SEGRETARJAT PARLAMENTARI GĦALL-GVERN LOKALI Iffirmat ftehim favur il-proġett ta’ School Grannies fix-Xewkija, Għawdex
STQARRIJA MILL-MINISTERU GĦALL-ANZJANITÀ ATTIVA U MIS-SEGRETARJAT PARLAMENTARI GĦALL-GVERN LOKALI Iffirmat ftehim favur il-proġett ta’ School Grannies fix-Xewkija, Għawdex
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow