Left arrow Mur Lura

STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI Malta se tniedi l-ewwel park arkeoloġiku f’qiegħ il-baħar

pr230301
Date Icon 27/02/2023

Din is-sena se jitnieda l-ewwel park arkeoloġiku taħt il-baħar minn Heritage Malta. Il-park, li se jkun f’qiegħ il-baħar lil hinn mix-Xlendi u se jkollu kobor ta’ 67,000 metru kwadru, huwa r-riżultat ta’ kollaborazzjoni bejn is-settur pubbliku u privat, il-kunsill lokali u stakeholders. 

Dan ġie mħabbar waqt konferenza bit-titlu ‘Lungomare Mediterraneo/Submerged testimonies of the modern Europe’ organizzata mill-Ambaxxata tar-Repubblika tal-Kroazja b’kollaborazzjoni mar-Rappreżentanza tal-Kummissjoni Ewropea f’Malta.

Din il-konferenza ġiet indirizzata wkoll mill-Ministru għall-Wirt Nazzjonali, l-Arti, u l-Gvern Lokali Owen Bonnici, fejn stqarr li l-wirt kulturali ta' taħt il-baħar jinkludi aktar minn sempliċiment l-akkademja, l-arkeoloġija u t-turiżmu. Huwa spjega li fl-aħħar sentejn Heritage Malta flimkien mas-Sovrintendenza tal-Patrimonju Kulturali, u bl-għajnuna ta’ partners oħra, ikkollaboraw flimkien sabiex is-sit jiġi analizzat u studjat bid-dettall sabiex imbagħad jiġi dikjarat bħala l-ewwel park arkeoloġiku f’qiegħ il-baħar.

Il-Ministru Bonnici sostna li sabiex il-wirt ta’ taħt il-baħar ikun aċċessibbli minn kulħadd, tnieda mużew online li jista’ jiġi aċċessat fuq underwatermalta.org. Permezz ta’ dan is-sit, il-viżitaturi jistgħu jesploraw 20 sit taħt l-ilma fi 3D mill-kumdità ta’ djarhom. Huwa qal li l-park arkeoloġiku f’qiegħ il-baħar se jkun jista’ jiġi aċċessat ukoll b’mod virtwali. “Permezz ta’ dan il-mużew virtwali, iktar nies jistgħu jiskopru l-wirt kulturali ta’ taħt il-baħar u japprezzaw is-siti uniċi tal-ibħra tagħna,” tenna l-Ministru Bonnici filwaqt li temm jgħid li l-gvern se jkompli jaħdem bis-sħiħ favur l-istorja ta’ Malta.

Min-naħa tiegħu, il-Prof Timmy Gambin minn Heritage Malta sostna li l-immaniġġjar tal-wirt kulturali ta’ taħt il-baħar miexi ’l quddiem f’pajjiżna. “Grazzi għall-isforzi kollettivi ta’ Heritage Malta, l-Università ta’ Malta u s-Sovrintendenza tal-Wirt Kulturali, Malta tinsab minn ta’ quddiem biex tagħmel aċċessibbli parti mill-istorja li nkella hija moħbija,” sostna Prof Gambin.

STQARRIJA MILL-MINISTERU GĦALL-WIRT NAZZJONALI, L-ARTI U L-GVERN LOKALI Malta se tniedi l-ewwel park arkeoloġiku f’qiegħ il-baħar
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow