Left arrow Mur Lura

STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR: Inawgurat l-iSpazju għall-Arti u t-Teatru fil-Park Nazzjonali ta’ Malta f’Ta’ Qali

pr230273
Date Icon 21/02/2023

Il-Ministru għax-Xogħlijiet Pubbliċi u l-Ippjanar Stefan Zrinzo Azzopardi inawgura l-iSpazju għall-Arti u t-Teatru fil-Park Nazzjonali ta' Malta, f'Ta' Qali, li se jkun qed jintuża bħala post fejn isiru produzzjonijiet kulturali, fosthom wirjiet u spettakli teatrali. Se jservi wkoll bħala spazju għall-artisti fejn jistgħu jesebixxu x-xogħol artistiku tagħhom għall-pubbliku.

Dan l-ispazju għall-arti se jkun qed jikkumplimenta l-Amfiteatru Grieg eżistenti li wkoll ġie modernizzat b'faċilitajiet ġodda u aċċessibbli għall-bżonnijiet artistiċi bħal rehearsal rooms, changing rooms u showers, fost oħrajn. Taħt l-istess teatru, li jakkomoda madwar 850 persuna, tlestiet ukoll sala li tista' tintuża għal funzjonijiet diversi.

Fid-diskors tiegħu, il-Ministru Zrinzo Azzopardi spjega kif din iż-żona se tagħti dimensjoni oħra lill-proġett tal-Park Nazzjonali li issa mhux biss se jkun spazju miftuħ mill-isbaħ fejn wieħed jista' jmur iqatta' ftit ħin ta' mistrieħ mal-familja, iżda wkoll pjattaforma għall-artisti lokali u internazzjonali fejn jesebixxu t-talenti tagħhom.

Il-Perit responsabbli mill-proġett, il-Perit Nadia Curmi, spjegat kif f'dawn il-kmamar sar xogħol estensiv ta' servizzi b'sistema ġdida ta' ventilazzjoni u ta' arja kkundizzjonata. Il-Perit Curmi kompliet tgħid li d-disinn ta' din iż-żona sar b'tali mod li l-ispazju jitħalla flessibbli u newtrali kemm jista' jkun, sabiex tispikka l-arti tal-installazzjonijiet esebiti.

It-tlestija ta' din iż-żona hija fażi oħra mill-proġett tal-Park Nazzjonali ta' Malta f'Ta' Qali li qed jiġi kkordinat mid-Dipartiment tax-Xogħlijiet Pubbliċi u huwa wieħed mill-akbar proġetti ta' spazju miftuħ f'pajjiżna. Waqt li rringrazzja lil dawk kollha li ħadmu f'dan il-proġett, il-Ministru Zrinzo Azzopardi temm jgħid li, “Fit-totalità tiegħu l-proġett tal-Park Nazzjonali se jkun ċertifikat ieħor ta' kwalità li jkompli juri l-ħidma ta' dan il-Gvern biex jinħolqu spazji miftuħa mill-isbaħ b'enfasi fuq l-aspett ambjentali u fuq it-titjib tal-kwalità tal-ħajja tan-nies."

Fl-istess Spazju għall-Arti u t-Teatru, id-Dipartiment tax-Xogħlijiet Pubbliċi b'kollaborazzjoni mal-Mużew tal-Avjazzjoni bħalissa qed itella' esebizzjoni ta' pjanti u ritratti antiki li juru l-istorja tal-iżvilupp taż-żona ta' Ta' Qali tul iż-żminijiet. Il-pubbliku jista' wkoll jara esebizzjoni oħra tal-illustrazzjonijiet grafiċi mill-kotba tal-awtur rinomat Trevor Zahra, li ismu huwa sinonimu mal-kotba għat-tfal.

STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR: Inawgurat l-iSpazju għall-Arti u t-Teatru fil-Park Nazzjonali ta’ Malta f’Ta’ Qali
STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR: Inawgurat l-iSpazju għall-Arti u t-Teatru fil-Park Nazzjonali ta’ Malta f’Ta’ Qali
STQARRIJA MILL-MINISTERU GĦAX-XOGĦLIJIET PUBBLIĊI U L-IPPJANAR: Inawgurat l-iSpazju għall-Arti u t-Teatru fil-Park Nazzjonali ta’ Malta f’Ta’ Qali
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow