Left arrow Mur Lura

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ “Li niżguraw l-akbar appoġġ għall-pjan ta’ paċi tal-Ukrajna fin-Nazzjonijiet Uniti huwa kruċjali” – il-Ministru Ian Borg

pr230268
Date Icon 20/02/2023

Waqt li tkellem fil-laqgħa tal-Kunsill għall-Affarijiet Barranin, il-Ministru għall-Affarijiet Barranin u Ewropej u l-Kummerċ Ian Borg ħeġġeġ lill-ministri l-oħra tal-Unjoni Ewropea jiżguraw li l-akbar appoġġ possibbli għall-pjan ta' paċi tal-Ukrajna jingħata fil-livell tan-Nazzjonijiet Uniti. Il-Ministru Borg ggarantixxa l-appoġġ kontinwu ta' Malta lill-Ukrajna u lill-poplu tagħha hekk kif dawn jeżerċitaw id-dritt tagħhom li jiddefendu pajjiżhom skont il-Karta tan-Nazzjonijiet Uniti.

Il-Laqgħa tal-Kunsill għall-Affarijiet Barranin saret fi Brussell u ħadet rendikont tal-iżviluppi li saru f'din l-ewwel sena li timmarka l-aggressjoni tar-Russja fl-Ukrajna, u s-sitwazzjoni fl-Afganistan. Il-laqgħa tal-Kunsill għall-Affarijiet Barranin saret fl-istess ġimgħa tad-dibattitu tal-Kunsill tas-Sigurtà tan-Nazzjonijiet Uniti li Malta qed tippresjedi, bit-titlu “Maintenance of International Peace and Security of Ukraine". Id-dibattitu se jsir fl-24 ta' Frar.

Il-Ministru Borg enfasizza l-importanza li jiġu deskritti l-passi li ġejjin previsti fi ħdan in-Nazzjonijiet Uniti u fora multilaterali oħra. Hu appella wkoll sabiex jiżdiedu l-isforzi diplomatiċi tal-Unjoni Ewopea ma' pajjiżi terzi li qed jintużaw biex jgħinu lir-Russja tevita s-sanzjonijiet u enfasizza l-ħtieġa li s-sanzjonijiet jiġu implimentati b'mod uniformi fost l-Istati Membri billi jiġu ssimplifikati l-mekkaniżmi eżistenti tas-sanzjonijiet, u b'hekk jagħmluhom aktar effettivi.

Il-Ministru għall-Affarijiet Barranin Ian Borg enfasizza l-importanza għal approċċ koordinat u kontinwu min-naħa tal-Unjoni Ewropea dwar is-sitwazzjoni umanitarja tal-poplu Afgan, filwaqt li enfasizza wkoll dwar l-importanza ta' koordinazzjoni internazzjonali sabiex tkompli tiżdied il-pressjoni fuq awtoritajiet de facto. Il-Ministru Borg ikkundanna r-repressjonijiet riċenti kontra n-nisa u l-bniet, li huma xhieda tan-nuqqas min-naħa tal-awtoritajiet li jimplimentaw il-wegħdiet tagħhom.

Billi din is-sena timmarka l-75 anniversarju tad-Dikjarazzjoni Universali tad-Drittijiet tal-Bniedem, il-ministri Ewropej adottaw konklużjonijiet dwar il-prijoritajiet tal-Unjoni Ewropea fil-fora tad-drittijiet tal-bniedem.

Waqt l-ikla, il-ministri Ewropej iltaqgħu mad-Deputat Prim Ministru u Ministru għall-Affarijiet Barranin tal-Moldova Nicu Popescu. Dan l-iskambju kien opportunità sabiex jinstemgħu l-perspettivi tal-Moldova dwar l-effett laterali tal-aggressjoni tar-Russja fl-Ukrajna.

Il-Ministru Borg ipparteċipa wkoll f'laqgħa informali mal-attivist tal-oppożizzjoni Russa Garry Kasparov, ospitata mil-Litwanja u l-Polonja fil-marġini tal-laqgħa tal-Kunsill għall-Affarijiet Barranin. Il-laqgħa tat opportunità għall-attivist tal-oppożizzjoni Russa biex jinforma lill-Ministri Ewropej dwar is-sitwazzjoni tad-drittijiet tal-bniedem u d-demokrazija fir-Russja.

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ “Li niżguraw l-akbar appoġġ għall-pjan ta’ paċi tal-Ukrajna fin-Nazzjonijiet Uniti huwa kruċjali” – il-Ministru Ian Borg
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow