Left arrow Go Back

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Is-Segretarju Parlamentari Azzopardi Tanti wieħed mill-kelliema fil-World Government Summit f’Dubai

pr230261
Date Icon 17/02/2023

Il-World Government Summit f’Dubai ġie fi tmiemu wara numru ta’ laqgħat u diskussjonijiet fost l-ogħla esponenti ta’ pajjiżi minn madwar id-dinja. Il-programm ta’ dan is-summit kien maqsum fuq tlett ijiem fejn laqqa’ diversi politiċi u personaġġi magħrufa minn madwar id-dinja sabiex jiddiskutu l-andament u l-futur tal-pajjiżi, b’mod partikolari fl-oqsma tar-riċerka u l-innovazzjoni. 

Is-Segretarju Parlamentari responsabbli mir-riċerka u l-innovazzjoni f’Malta, Keith Azzopardi Tanti, kien mistieden sabiex jitkellem f’panel discussion dwar kif il-pajjiżi qed iħarsu lejn ir-riċerka u l-innovazzjoni. F’dan ir-rigward huwa semma x’qed jagħmel pajjiżna f’dawn l-oqsma. 

Huwa spjega li għalkemm Malta hija gżira żgħira u għaldaqstant limitata mir-riżorsi, ir-riċerka u l-innovazzjoni huma importanti sabiex tkompli tikber l-ekonomija tal-pajjiż. “Ħarisna lejn setturi li fihom irridu nagħfsu l-aktar fir-riċerka u l-innovazzjoni, sabiex dawn iwasslu għal kwalità ta’ ħajja aħjar,” tenna s-Segretarju Parlamentari Azzopardi Tanti. Huwa faħħar lill-Emirati Għarab Magħquda (UAE) tal-qabża fil-livell li wettqu fl-aħħar snin u sostna li huma mudell ta’ min isegwi għal ħafna, inkluż Malta.

“Summit ta’ dan it-tip jagħti l-opportunità li tkompli tikber il-kollaborazzjoni bejn il-pajjiżi differenti. Malta hija miftuħa għal aktar djalogu ma’ pajjiżi oħra sabiex iwasslu għal ftehim konġunti ta’ ħidma fil-futur, b’attenzjoni partikolari fuq ir-riċerka u l-innovazzjoni,” ikkonkluda s-Segretarju Parlamentari.

Matul iż-żjara tiegħu f’Dubai, is-Segretarju Parlamentari Azzopardi Tanti ltaqa’ ma’ diversi ministri inkluż il-Ministru tal-Intelliġenza Artifiċjali tal-UAE Omar Sultan Al Olama, kif ukoll ma’ diversi entitajiet governattivi u oħrajn privati, fosthom l-MBR Space Centre, l-UAE Space Agency, Dubai Future Foundation u Technology Innovation Institute.

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Is-Segretarju Parlamentari Azzopardi Tanti wieħed mill-kelliema fil-World Government Summit f’Dubai
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow