Left arrow Mur Lura

STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Persuni dipendenti fuq il-kokaina l-aktar li qed ifittxu l-għajnuna

pr230260
Date Icon 17/02/2023

Waqt konferenza tal-aħbarijiet, il-Ministru għall-Politika Soċjali u d-Drittijiet tat-Tfal Michael Falzon ippreżenta r-rapport annwali dwar is-sitwazzjoni tad-droga f’pajjiżna matul is-sena 2021.

Ġie spjegat li minn dan ir-rapport joħorġu diversi punti fosthom li inqas persuni tressqu l-Qorti b’rabta ma’ pussess u traffikar ta’ droga matul is-sena inkwistjoni u dan jista’ jkun attribwit għal numru ta’ restrizzjonijiet marbuta mal-pandemija li kellna f’dan il-perjodu u anke għall-fatt li persuni li nqabdu b’pussess f’ammonti żgħar ma baqgħux jittellgħu l-Qorti wara r-riforma tal-liġi tad-droga tas-sena 2015.

Il-Ministru Falzon spjega wkoll li fl-istess perjodu ta’ żmien baqgħu jiżdiedu dawk il-persuni li qed jagħżlu li jfittxu l-għajnuna f’xi klinika jew ma’ xi aġenzija. Fost dawk li qed ifittxu assistenza, hemm l-aktar dawk li għandhom il-vizzju tal-kokaina, tal-ħaxixa u l-eroina. Kull sena, il-kokaina qed tibqa’ tirriżulta bħala l-iktar droga li qed toħloq dipendenza, u dan jista’ jkun attribwit għal żieda fil-purità ta’ din id-droga.

Mir-rapport ħareġ ukoll li l-użu ta’ drogi sintetiċi qed jirriżultaw l-aktar fil-każijiet t’emerġenza li qed jaraw l-isptarijiet tagħna, filwaqt li inqas persuni qed jieħdu l-kura għall-eroina. Semma wkoll li għaddej il-proġett pilota sabiex tingħata l-mediċina buprenorphine, li jirriżulta li għandha effetti aktar pożittivi mill-methadone.

Il-ministru temm jgħid li s-servizzi ta’ prevenzjoni komplew jissaħħu, u r-rapport innota wkoll il-kampanji t’għarfien fost l-adoloxxenti, iż-żgħażagħ u anke l-investiment qawwi fuq il-mezzi tal-midja soċjali.

STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Persuni dipendenti fuq il-kokaina l-aktar li qed ifittxu l-għajnuna
STQARRIJA MILL-MINISTERU GĦALL-POLITIKA SOĊJALI U D-DRITTIJIET TAT-TFAL Persuni dipendenti fuq il-kokaina l-aktar li qed ifittxu l-għajnuna
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTRU U L-MINISTERU GĦAS-SAĦĦA  Id-Dipartiment tar-Radjoloġija f’San Vinċenz mistenni jaqbeż l-20,000 eżami fl-2026

PR261943

STQARRIJA MIS-SEGRETARJAT PARLAMENTARI FL-UFFIĊĊJU TAD-DEPUTAT PRIM MINISTR...

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

Aktar Stqarrijiet Right arrow